Dinamalar

எதிரிகள மிதிச்சு ஏறி மேல வந்தவன்... - வெளியானது சிம்புவின் ‛பத்து தல' டீஸர்

வெந்து தணிந்தது காடு படத்திற்கு பின் சிம்பு நடிப்பில் வெளியாக உள்ள படம் ‛பத்து தல'. கன்னடத்தில் வெற்றி பெற்ற முப்டி படத்தின் ரீமேக்காக இந்தப்படம் உருவாகி உள்ளது. சிம்பு உடன் கவுதம் கார்த்திக், கவுதம் மேனன், பிரியா பவானி சங்கர் ஆகியோரும் நடித்துள்ளனர். ஏஆர் ரஹ்மான் இசையமைத்துள்ளார். இதன் படப்பிடிப்பு முடிந்து இறுதிக்கட்ட பணிகள் நடக்கின்றன. மார்ச் 30ல் படம் வெளியாக உள்ள நிலையில் படத்தின் டீஸரை வெளியிட்டுள்ளனர். 1:37 நிமிடம் ஓடக்கூடிய இந்த டீசர் சிம்புவின் அதிரடி ஆக் ஷன் படமாக உருவாகி உள்ளது.

கன்னியாகுமரி பின்னணியில் மணல் கடத்தல் தாதாவாக ஏஜிஆர் எனும் ஏஜி ராவணாவாக அதிரடி காட்டி சிம்பு நடித்துள்ளார். அரசியல்வாதியாக கவுதம் மேனன் நடித்துள்ளார். கவுதம் கார்த்திக் அடியாள் மாதிரியான வேடத்திலும், பிரியா பவானி சங்கர் அரசு அதிகாரி போன்றும் நடித்துள்ளார்.

‛‛மண்ண ஆள்றவனுக்கு தான் எல்ல... மண்ண அள்ற எனக்கு அது இல்ல...., நான் படியேறி மேல வந்தவன் இல்ல... எதிரிகள மிதிச்சு ஏறி மேல வந்தவன்..., என்னால எத்தன பேரு செத்தானும் தெரியாது எத்தன பேரு வாழ்ந்தானும் தெரியாது...'' என்பது மாதிரியான பவர்புல் பஞ்ச் வசனங்களும் டீஸரில் இடம் பெற்றுள்ளனர். அதற்கு ஏற்றபடி ரஹ்மானின் பின்னணி இசையும் அசத்தலாக உள்ளது.

ரசிகர்களை கவர்ந்துள்ள இந்த டீஸர் ஒன்றரை மணிநேரத்தில் 5 லட்சம் பார்வைகளை கடந்து, டிரெண்ட் ஆனது.

• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்

• 
  லாயராக அதுல்யா ரவி, மீனவனாக நான் : டீசல் ரகசியம் சொல்லும் ஹரிஷ் கல்யாண்
• 
  காதல், நகைச்சுவை கதைகளில் நடிக்க ஆர்வமாக இருக்கும் ருக்மணி வசந்த்
• 
  விண்வெளியில் நான்காவது திருமணம் செய்கிறாரா ஹாலிவுட் நடிகர் டாம் குரூஸ்
• 
  அஜித் 64வது படத்தின் அறிவிப்பு எப்போது? : ஆதிக் ரவிச்சந்திரன் தகவல்
• 
  ஓடிடிக்கு வருகிறது லோகா சாப்டர் 1