சிம்பு நடிக்க இருந்த படத்தில் ரஜினியா? | மகனுக்கு அன்பு முத்தம் கொடுக்கும் நயன்தாரா! லைக்ஸ்களை அள்ளும் புகைப்படம்!! | பாடகி சுசித்ரா மீது கொச்சின் போலீசில் புகார்! | இன்ஸ்டா கணக்கை மீட்டெடுத்த ஜெயம் ரவி | திருவருள், மன்மதன், கொம்பன் - ஞாயிறு திரைப்படங்கள் | மனைவியை விட்டுச் செல்பவன் நல்ல மனிதன் அல்ல - குஷ்பு பதிவு வைரல் | ஹேமா கமிட்டி ஒரு ‛கேம் சேஞ்சர்' : சம்யுக்தா மேனன் | நடிகை பார்வதி நாயர் மீது வழக்குப்பதிவு: எதற்காக தெரியுமா? | தேவரா 1 - ஆறு காட்சிகள், கூடுதல் கட்டண உயர்வு - அரசு ஆணை | ‛குட் பேட் அக்லி' படத்தில் இணைந்த அர்ஜுன் தாஸ் |
தெலுங்கில் ஒளிபரப்பாகும் பிக்பாஸ் நிகழ்ச்சியை மூன்றாவது சீசனிலிருந்து சமீபத்தில் முடிந்த 6வது சீசன் வரை தெலுங்கு சூப்பர் ஸ்டார் நாகார்ஜுனா தான் தொகுத்து வழங்கி வந்தார். தெலுங்கு பிக்பாஸ் சீசன் 6 இம்முறை கடுமையான விமர்சனங்களை பெற்றது. தவிரவும் போட்டியின் நடுவில் ஒரு நல்ல போட்டியாளர் தேவையில்லாமல் எவிக்சன் செய்யப்பட்டதில் நாகார்ஜுனாவுக்கு உடன்பாடு இல்லை. எனவே, அந்த எவிக்சனுக்கு எதிராக குரல் எழுப்பியதோடு, சீசன் 7ஐ தொகுத்து வழங்கமாட்டேன் என்றும் கூறியிருந்தார்.
இந்நிலையில், தமிழ் பிக்பாஸின் 6வது சீசனும் தேவையற்ற ஆபாசம், அநாவசியமான கருத்துகள் என தொடர் விமர்சனங்களை சந்தித்து வருகிறது. சொல்லப்போனால் தமிழிலும் சரி, தெலுங்கிலும் சரி, பிக்பாஸ் சீசன் 6க்கு சரியான வரவேற்பும் டிஆர்பியும் கிடைக்கவில்லை. எனவே, நாகார்ஜுனாவை போல கமலும் பிக்பாஸ் நிகழ்ச்சியை விட்டு விலகலாம் என சோஷியல் மீடியாவில் பரபரப்பாக பேசப்பட்டு வருகிறது. மேலும், கமல் தற்போது இந்தியன் 2 உட்பட இரண்டு படங்களில் நடித்து வருகிறார்.
அதுமட்டுமில்லாமல் அடுத்த ஆண்டு பாராளுமன்ற தேர்தலும் வர இருப்பதால் நடிகரும் அரசியல்வாதியுமான கமல்ஹாசன் பிக்பாஸ் நிகழ்ச்சியை தொடர்வாரா? என்ற கேள்வியும் எழுந்துள்ளது. எனினும், பிக்பாஸ் நிகழ்ச்சியை விட்டு விலகுவது குறித்து இதுவரை கமல்ஹாசன் எந்தவொரு அதிகாரப்பூர்வ அறிவிப்பையும் கொடுக்கவில்லை. ஒருவேளை அவர் பிக்பாஸ் நிகழ்ச்சியிலிருந்து வெளியேறினால் அடுத்த சீசனை சூர்யா அல்லது சிம்பு தொகுத்து வழங்கலாம் என்றும் எதிர்பார்க்கப்படுகிறது.