Dinamalar

மனைவியை விட்டுச் செல்பவன் நல்ல மனிதன் அல்ல - குஷ்பு பதிவு வைரல்

நடிகர் ஜெயம் ரவி தனது மனைவி ஆர்த்தியை சமீபத்தில் பிரிவதாக அறிவித்தார். மேலும் விவாகரத்து கோரி குடும்பல நல நீதிமன்றத்திலும் மனு தாக்கல் செய்துள்ளார். ‛ஜெயம் ரவியின் இந்த முடிவு தனிச்சையானது, என்னிடம் எதுவும் கலந்து ஆலோசிக்க முடியவில்லை' என கூறியிருந்தார் ஆர்த்தி.

அதேசமயம் செய்தியாளர்களிடம் பேசிய ரவி, ‛‛ஒன்றரை மாதத்திற்கு முன்பே இந்த முடிவை எடுத்து அவருக்கு நோட்டீஸ் அனுப்பி உள்ளேன். ஆனால் தனக்கு தெரியாது என ஏன் அவர் சொல்கிறார் என தெரியவில்லை. குழந்தைகளுக்காக நான் எதுவும் பேச வேண்டாம் என நினைக்கிறேன். நீதிமன்றத்தில் ஒரு நாள் உண்மை வெளிவரும் என்றார். மேலும் பாடகி கெனிஷா உடன் தொடர்புபடுத்தி பேசுவது வருத்தம் அளிப்பதாகவும், இதில் யாரையும் இழுக்காதீர்கள். வாழு வாழவிடு'' என தெரிவித்துள்ளார் ஜெயம் ரவி
இந்நிலையில் நடிகை குஷ்பு வலைதளத்தில் ஜெயம் ரவி பெயரை கூறாமல் மறைமுகமாக ஒரு நீண்ட பதிவு போட்டுள்ளார். அதில், ‛‛தனது குடும்பத்தை மேலாக போற்றுபவன் தான் உண்மையான உயர்ந்த மனிதன். அவனது தேவைகள், ஆசைகள் மற்றவையெல்லாம் இரண்டாம்பட்சம் தான். திருமண வாழ்வில் ஏற்ற, இறக்கங்கள் வரத்தான் செய்யும். தவறுகளும் நடக்கும். அதற்காக ஒரு மனிதன் அவனது குடும்பத்தை விலக்கி வைக்க கூடாது. ஒருக்கட்டத்தில் இருவருக்குமான அன்பு குறையலாம் ஆனால் மரியாதை குறைய கூடாது.

சுயநலமாக நாம் எடுக்கும் முடிவு பெரும்பாலும் பூமராங் போல திரும்பவும் நமக்கே திரும்ப வரும். தனது குழந்தைகளையும் கவனிக்கும் மனைவியை மதிப்பவனே உண்மையான ஆண். அவர்களை விட்டு செல்பவன் நல்ல மனிதன் அல்ல. இதனால் தனது குழந்தைகளும் பாதிக்கப்படுவார்கள் என்பதை அறியாதவர் சுயநலவாதியே. ஒரு தாயை, குறிப்பாக உன்னை நேசித்து ஆதரித்த ஒருவரை அவமரியாதை செய்வது வருத்தமளிக்கிறது. இது இதயத்தை உடைக்கும் இரக்கமற்ற நிலையை வெளிப்படுத்துகிறது.

ஒரு உண்மையான மனிதன் தன்னை உயர்த்துவதற்கு, முதலில் தன் குடும்பத்தை உயர்த்த வேண்டும். உங்களுடன் நிற்பவர்களை மதிப்பதும், உங்கள் உலகத்தை உருவாக்கும் குடும்பத்தை போற்றுவதும் தான் உண்மையான பலம். இது காலத்தால் கூட உடைக்க முடியாத பிணைப்பை ஏற்படுத்தும். மரியாதை என்பது அடிப்படையானது. அது உங்களில் வீட்டிலிருந்து தொடங்க வேண்டும். இந்த உண்மையை ஏற்றுக்கொள்ளாத நபர் அன்பின் பாதையிலிருந்தும் நிறைவான வாழ்க்கையிலிருந்தும் விலகிச் செல்வார்.

இவ்வாறு குஷ்பு தெரிவித்துள்ளார்.

யாருக்கான இந்த பதிவு என நடிகை குஷ்பு குறிப்பிடவில்லை. ஆனால் ஜெயம் ரவிக்கானது தான் ரசிகர்கள் சுட்டிக் காட்டி வருகின்றனர். ஏனென்றால் ஜெயம் ரவி அவரது மனைவி ஆர்த்தியை பிரிந்துள்ளார். ஆர்த்தியின் அம்மாவான தயாரிப்பாளர் சுஜாதா, குஷ்புவின் நெருக்கமான தோழிகளில் ஒருவர் என்பது குறிப்பிடத்தக்கது.

• 
  என் விளக்கத்தை அக்ஷய் குமார் படித்தால் பிரச்னை முடிவுக்கு வந்துவிடும் ; ...
• 
  உருவ கேலி செய்தவர்களுக்கு ஐஸ்வர்யா ராய் கொடுத்த பதிலடி!
• 
  பாலிவுட்டில் தடம் பதிப்பாரா ஜூனியர் என்டிஆர்
• 
  ஏகப்பட்ட நிபந்தனைகள் விதித்த தீபிகா படுகோனே : வெளியேறவில்லை.. ...
• 
  போலீஸ் பாதுகாப்பை மீறி சல்மான் கான் வீட்டுக்கு செல்ல முயன்ற பெண் கைது

• 
  25வது நாளில் அடியெடுத்து வைத்த 'டூரிஸ்ட் பேமிலி'
• 
  ஹீரோக்களின் உதவியாளர்கள் கதை கேட்பதை முதலில் நிறுத்த வேண்டும் ; ஆர்கே ...
• 
  'அஞ்சலி' படம் பார்த்து அழுத சிலம்பரசன்
• 
  பிரபாஸ் அமைதியானவர் அல்ல, கலகலப்பானவர்! -மாளவிகா மோகனன்
• 
  திரைப்படங்களை திருட்டுப் பதிவிறக்கம் செய்யாதீர்கள்! - நடிகர் சூரி ...