Dinamalar

ஜனநாயகன் ரீமேக் படமா ? பகவத் கேசரி இயக்குனர் பதில்

விஜய் நடிப்பில் அவரது கடைசி படமாக வெளியாக இருக்கும் படம் ஜனநாயகன். தொடர்ந்து அஜித்தை வைத்து மூன்று படங்களை இயக்கிய வினோத் முதன்முறையாக விஜய்யை வைத்து இந்த படத்தை இயக்கியுள்ளார். விஜய் போலீஸ் கதாபாத்திரத்தில் நடித்திருந்தாலும் பின்னணியில் இது ஒரு அரசியல் படம் என்றும் சொல்லப்படுகிறது. இன்னொரு பக்கம் தெலுங்கில் கடந்த 2023ல் பாலகிருஷ்ணா நடிப்பில் வெளியாகி மிகப்பெரிய வெற்றியைப் பெற்ற பகவந்த் கேசரி படத்தின் ரீமேக் தான் இந்த படம் என்றும், இல்லையில்லை அந்த படத்தின் ஒரு முக்கிய பகுதியை ஜனநாயகன் படத்தில் வைப்பதற்காக மொத்த படத்தின் ரீமேக் உரிமையையும் வாங்கி விட்டார்கள் என்றும் கூட சொல்லப்பட்டு வருகிறது.

சமீபத்தில் மலேசியாவில் நடைபெற்ற இந்த படத்தின் இசை வெளியீட்டு விழாவில் பேசிய இயக்குனர் வினோத் கூறும்போது, “இந்த படம் ஏதோ ஒரு படத்தின் ரீமேக் என்றோ அல்லது பாதி ரீமேக் என்றோ சொல்கிறார்கள். இது முழுக்க முழுக்க தளபதி படம்” என்று கூறியிருந்தார்.

இந்த நிலையில் பகவந்த் கேசரி படத்தின் இயக்குனர் அனில் ரவிபுடியிடம் சமீபத்தில் தெலுங்கு செய்தியாளர்கள் இது குறித்து கேட்டபோது அதற்கு பதில் அளித்த அவர், “விஜய் சார் ஒரு உண்மையான ஜென்டில்மேன். அவருக்கு சினிமாவிலிருந்து விடை கொடுக்கும் விதமாக உருவாகியுள்ள இந்த படம் வெளியான பிறகுதான் இந்த படத்தில் நானும் ஒரு பாகமாக இருக்கிறேனா இல்லையா என்பது தெரியவரும். அதுவரை இதை தளபதி விஜய் படமாகவே நாம் கருதுவோம்” என்று பட்டும் படாமல் மழுப்பலாக பதில் கூறியுள்ளார் அனில் ரவிபுடி..

• 
  நடிகர் பிரித்விராஜின் தார்யா ஹிந்தி படப்பிடிப்பு நிறைவு
• 
  புகையிலை விளம்பரத்திற்கு ரூ.40 கோடி: தைரியமாக மறுத்த சுனில் ஷெட்டி
• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்

• 
  பொங்கல் போட்டியில் முக்கிய கதாநாயகிகள்
• 
  முன்பதிவில் ஜனநாயகன் செய்த சாதனை
• 
  300வது படத்தை எட்டிய யோகி பாபு
• 
  மீண்டும் ரசிகர்களை ஏமாற்றிய கருப்பு
• 
  ரிஷப் ஷெட்டி படத்தில் இருந்து விலகி விட்டேனா ? ஹனுமன் நடிகர் மறுப்பு