Dinamalar

ஜென்டில்மேன்-2 ஹீரோவாக சேதன் சீனு: தயாரிப்பாளர் கே.டி.குஞ்சுமோன் அறிவிப்பு

தமிழ் படங்களை கேரளாவில் விநியோகம் செய்து வந்த கே.டி.குஞ்சுமோன் பின்னர் தயாரிப்பாளராக மாறினார். வசந்தகால பறவைகள், சூரியன் படங்களின் வெற்றிகளை தொடர்ந்து, 1993ல் பிரமாண்டமாக அவர் தயாரித்த படம் ஜென்டில்மேன். ஷங்கரை டைரக்டராக அறிமுகப்படுத்திய படம். அடுத்ததாக பல வெற்றிப் படங்களையும் தயாரித்துள்ளார்.

ஜென்டில்மேன் படம் மிகப்பெரிய ஹிட்டான நிலையில், அதன் 2ம் பாகத்தை தான் தயாரிக்கவுள்ளதாக குஞ்சுமோன் ஏற்கனவே அறிவித்திருந்தார். தமிழ், தெலுங்கு, மலையாளம், கன்னடம் மற்றும் ஹிந்தியில் இப்படத்தை எடுக்க உள்ளதாகவும் அதற்காக ஜென்டில்மேன் பிலிம் இன்டர்நேஷ்னல் எனும் பெயரில் புதிய நிறுவனத்தையும் உருவாக்கினார்.

பின்னர் அவ்வபோது ‛ஜென்டில்மேன் 2' படம் குறித்த அப்டேட்டை கே.டி.குஞ்சுமோன் வெளியிட்டு வந்தார். அந்த வகையில், ஆஹா கல்யாணம் படத்தை இயக்கிய கோகுல் கிருஷ்ணா இப்படத்தை இயக்க உள்ளதாகவும், பாகுபலி, ஆர்ஆர்ஆர் படத்திற்கு இசையமைத்த எம்.எம்.கீரவாணி இசையமைக்க உள்ளதாகவும் அறிவித்தார். பின்னர் படத்தில் கதாநாயகிகளாக நயன்தாரா சக்கரவர்த்தி, பிரியா லால் நடிக்கவுள்ளதாக அறிவித்தார்.

இந்நிலையில் படத்தின் கதாநாயகன் குறித்த அறிவிப்பு தற்போது வெளியாகியுள்ளது. இப்படத்தின் லீட் ரோலில் சேதன் சீனு நடிக்கிறார். தெலுங்கு திரைப்படங்களில் முன்னணி கதாநாயகனாக வளர்ந்து வரும் சேதன் சீனு, தற்போது காவேரி கல்யாணி இயக்கும் படத்தில் 12 மாறுபட்ட வேடங்களில் நடித்து வருகிறார். மேலும், தமிழிலும் தெலுங்கிலும் வெளியாகும் தடா மற்றும் பெயர் பெயர் சூட்டப்படாத வேறு இரண்டு படங்களிலும் நடித்து வருகிறார்.

• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...
• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்

• 
  எனக்கும் ஒரு எதிர்காலம் உள்ளது... வதந்தி பரப்பாதீங்க : பவித்ரா லட்சுமி
• 
  பிரியங்கா மோகனின் துருக்கி கனவு நனவானது
• 
  லவ் இன்ஷுரன்ஸ் கம்பெனி - அப்டேட் கொடுத்த விக்னேஷ் சிவன்
• 
  கார் பந்தய பயிற்சியின்போது மீண்டும் விபத்தில் சிக்கிய அஜித்
• 
  ரீ-ரிலீஸில் சச்சின் படத்தின் முதல் நாள் வசூல் எவ்வளவு