Dinamalar

சூப்பர் ஸ்டார் என அழைக்க வேண்டாம் - விஜய் தேவரகொன்டா

தமிழ்த் திரையுலகத்தில் பலருக்கும் சூப்பர் ஸ்டார் ஆக வேண்டும் என்ற ஆசை இருக்கிறது. அதற்காக சில நடிகர்கள் சில வருடங்களுக்கு முன்பு சில பல வேலைகளைச் செய்தார்கள். ஆனால், ரசிகர்கள் தமிழ் சினிமாவில் ஒரே ஒரு சூப்பர் ஸ்டார் தான், அது ரஜினிகாந்த் தான் என அதிரடியாகக் கூறிவிட்டார்கள்.

தமிழைப் போலவே தெலுங்கிலும் சூப்பர் ஸ்டார் ஆக வேண்டும் என பலருக்கும் ஆசை இருக்கிறது. 'அர்ஜுன் ரெட்டி' படத்தின் மூலம் தெலுங்கு ரசிகர்களிடம் பெரும் ஆதரவைப் பெற்றவர் விஜய் தேவரகொன்டா. அவர் நடித்துள்ள 'லைகர்' படம் பான் இந்திய படமாக அடுத்த வாரம் வெளியாக உள்ளது.

இப்படத்தின் பிரமோஷன் நிகழ்வு ஆந்திர மாநிலம் வாரங்கல்லில் நடைபெற்றது. விஜய் தேவரகொன்டா பேசிக் கொண்டிருக்கும் போதே ரசிகர்கள் 'சூப்பர் ஸ்டார், சூப்பர் ஸ்டார்' என கத்திக் கொண்டே இருந்தனர். அதைக் கேட்ட விஜய் தேவரகொன்டா, “நான் இங்கு எதையும் செய்யவில்லை. சூப்பர் ஸ்டார் என்று என்னை அழைக்க இன்னும் பல வருடங்கள் ஆகும், நான் இன்னும் சிறந்த வேலைகளைச் செய்ய வேண்டும். நீங்கள் என்னை சூப்பர் ஸ்டார் என அழைப்பது எனக்கு சங்கடமாக இருக்கிறது,” என்று வெளிப்படையாகப் பேசினார்.

இப்படியும் சில நடிகர்கள் இருக்கத்தான் செய்கிறார்கள்.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  யு டியுப் சேனல்கள், சமூக வலைத்தளங்கள் இளையராஜா புகைப்படங்களை ...
• 
  கஞ்சா வழக்கு : சிம்பு பட தயாரிப்பாளர் கைது
• 
  ராஜமவுலியின் கடவுள் மறுப்புப் பேச்சு : அதிகரிக்கும் சர்ச்சை
• 
  கதை என்னவென்று தெரியாமல் தான் எம்புரான் பட சென்சார் பிரச்னையில் ...
• 
  மகேஷ்பாபு, ரவீனா டாண்டன் குடும்ப வாரிசுகள் அறிமுகமாகும் படத்தில் இணைந்த ...