Dinamalar

லைகர், குஷி படங்களால் அந்த விஷயத்தில் உஷாரான விஜய் தேவரகொண்டா

தெலுங்கு திரையுலகில் அர்ஜுன் ரெட்டி படத்தில் கிடைத்த திடீர் புகழால் மளமளவென முன்னணி நடிகராக உயர்ந்தவர் நடிகர் விஜய் தேவரகொண்டா. ஆனால் கீதா கோவிந்தம் படத்திற்கு பிறகு அவருக்கு இன்னும் சொல்லிக் கொள்ளும்படியான மிகப்பெரிய வெற்றி எதுவும் கிடைக்கவில்லை. கடந்த வருடம் பூரி ஜெகன்நாத் டைரக்ஷனில் இவர் நடித்த லைகர் திரைப்படம் மிகப்பெரிய தோல்வியை தழுவியது. அடுத்ததாக தற்போது சமந்தாவுடன் இணைந்து குஷி என்கிற படத்தில் நடித்து வருகிறார். இதை தொடர்ந்து இயக்குனர் பரசுராம் மற்றும் கவுதம் தின்னனூரி ஆகியோரின் டைரக்சனில் அடுத்தடுத்து நடிக்க ஒப்பந்தமாகியுள்ளார்.

லைகர் படத்தை நம்பி அதற்காக கிட்டத்தட்ட இரண்டு வருடங்களை ஒதுக்கிய விஜய் தேவரகொண்டா வேறு படங்களில் நடிக்காமல் இருந்தார். அதன்பிறகு அவர் தற்போது நடித்து வரும் குஷி திரைப்படத்தில் கூட சமந்தாவுக்கு திடீரென ஏற்பட்ட உடல் நலக்குறைவால் படப்பிடிப்பு சில மாதங்கள் தாமதமாகி தற்போது மீண்டும் துவங்கி நடைபெற்று வருகிறது. இதனால் தன்னுடைய திரையுலக பயணத்தில் மிகப்பெரிய இடைவெளி விழுவதை உணர்ந்து உஷாராகியுள்ளார் விஜய் தேவரகொண்டா.

அதன் எதிரொலியாகத் தான் அடுத்தடுத்து படங்களில் நடிக்க ஒப்பந்தமாகி வருகிறார் விஜய் தேவரகொண்டா. இந்த வருடம் அவரது நடிப்பில் உருவாகி வரும் குஷி திரைப்படம் செப்டம்பர் மாதம் வெளியாகிறது. அதே சமயம் அடுத்த வருடம் தனது இரண்டு படங்கள் எப்படியும் வெளியாக வேண்டும் என திட்டமிட்டுள்ளாராம் விஜய் தேவரகொண்டா.

• இவரை பற்றி
• ஆல்பம்
• வந்த படங்கள்

• செய்திகள்
• வந்த படங்கள்
• வரவிருக்கும் படங்கள்

• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே
• 
  தனுஷின் தேரே இஷ்க் மெயின் டிரைலர் வெளியீடு : வரவேற்பு எப்படி

• 
  எம்புரான் விமர்சனம் : பிரித்விராஜ் கருத்து
• 
  தெலுங்கில் மகேஷ்பாபுவின் உறவினருக்கு ஜோடியாக அறிமுகமாகும் ரவீனா ...
• 
  எட்டு வருடத்திற்கு பிறகு மீண்டும் இணையும் துருவா சார்ஜா, ரச்சிதா ராம் ...
• 
  'விலாயத் புத்தா' கதையும் 'புஷ்பா' கதையும் ஒன்றா ? பிரித்விராஜ் ...
• 
  ஆறு வருடமாக பாலியல் டார்ச்சர் செய்த துணை நடிகை மீது போலீஸில் நடிகர் ...