Dinamalar

இன்னும் ஓராண்டாகும் : ‛சலார்' புது ரிலீஸ் தேதி அறிவிப்பு

கேஜிஎப் பட புகழ் பிரசாந்த் நீல் இயக்கத்தில் பாகுபலி புகழ் பிரபாஸ் நடித்து வரும் பான் இந்திய படம் ‛சலார்'. நாயகியாக ஸ்ருதிஹாசன் நடிக்கிறார். முக்கிய வேடங்களில் மலையாள நடிகர் பிருத்விராஜ், ஜெகபதி பாபு ஆகியோர் நடிக்கின்றனர். கே.ஜி.எப் படங்களை தயாரித்த ஹோம்பலே நிறுவனம் சலார் படத்தை தயாரிக்கிறது. ரவி பஸ்ரூர் இசையமைக்கிறார். அதிரடி ஆக் ஷன் கதையில் கேஜிஎப் மாதிரியான கதைக்களத்தில் இந்த படம் தயாராகும் என தெரிகிறது.

கடந்த ஏப்ரல் மாதமே இந்த படம் வெளியாகும் என முன்பு அறிவித்தனர். ஆனால் கொரோனா உள்ளிட்ட பிரச்னைகளால் இதன் படப்பிடிப்பு மெதுவாக நடந்து வருகிறது. இந்நிலையில் சுதந்திர தினமான இன்று(ஆக., 15) சலார் படத்தின் அப்டேட்டை அதாவது புதிய ரிலீஸ் தேதியை அறிவித்துள்ளனர். அதன்படி இந்த படம் அடுத்தாண்டு செப்., 28ல் வெளியாகும் என அறிவித்து ஒரு போஸ்டரை வெளியிட்டுள்ளனர்.

இதை பார்க்கும் ரசிகர்கள் ஒரு பக்கம் கொண்டாடினாலும் என்னது இன்னும் ஓராண்டு காத்திருக்க வேண்டுமான என வருத்தப்படவும் செய்கின்றனர். கேஜிஎப் படங்கள் மூலம் இயக்குனர் பிரசாந்த் நீல்லும், பாகுபலி படங்கள் மூலம் நடிகர் பிரபாஸூம் இந்திய அளவில் கவனம் ஈர்த்தனர். இவர்கள் இருவரும் இணையும் படம் இது என்பதால் இந்த படம் மீது அதிக எதிர்பார்ப்பு எழுந்துள்ளது.

• 
  ஸ்ரீதேவி நடித்த 'மாம்' படத்தின் 2ம் பாகம் படப்பிடிப்பு துவங்கியது
• 
  சல்மான்கான் உடன் ரொமான்ஸ் காட்சியில் நடித்த அவரது வளர்ப்பு குதிரை
• 
  சென்சார் போர்டின் இரட்டை நிலைப்பாடு ; தி கேரளா ஸ்டோரி இயக்குனர் ...
• 
  துபாயில் சிக்கிக்கொண்ட பாலிவுட் நடிகை ; உதவி கேட்டு பிரதமருக்கு கோரிக்கை
• 
  நடிப்பு உலகில் அடியெடுத்து வைத்த கிரிக்கெட் நடுவர் அனில் சவுத்ரி

• 
  சாரா அர்ஜுனின் வளர்ச்சி பெருமையாக உள்ளது! - சொல்கிறார் இயக்குனர் ...
• 
  விஜய்யின் ஜனநாயகனுக்கு மார்ச் 17ல் சென்சார் சான்றிதழ்!
• 
  லெஜெண்ட் சரவணனின் 'லீடர்' படத்தின் டீசர் வெளியானது!
• 
  சிக்ஸ் பேக் விபரீதமான முயற்சி! - நடிகர் பரத்
• 
  மார்ச் 27ம் தேதியன்று திரைக்கு வரும் ஹாப்பி ராஜ்!