Dinamalar

நான் பாடிய பாடலை அதிதி ஷங்கர் பாடியதால் எந்த வருத்தமும் இல்லை : பாடகி ராஜலட்சுமி

சூப்பர் சிங்கர் நிகழ்ச்சியில் நாட்டுப்புறப் பாடல்களை பாடி பிரபலமானவர்கள் ராஜலட்சுமி மற்றும் இவரது கணவரான செந்தில். இவர்கள் இருவரும் சார்லி சாப்ளின்- 2 படத்தில் சின்ன மச்சான் என்ற பாடலை இணைந்து பாடி சினிமாவில் அறிமுகமானவர்கள். தொடர்ந்து இருவரும் சினிமாவில் பாடி வருகின்றனர். புஷ்பா படத்தில் இடம்பெற்ற சாமி சாமி என்ற பாடலை பாடினார் ராஜலட்சுமி. இந்த பாடல் மிகப்பெரிய அளவில் ஹிட் அடித்தது.

இதனிடையே கார்த்தி நடித்துள்ள விருமன் படத்தில் இடம் பெற்றுள்ள மதுரை வீரன் என்ற பாடலை யுவன் ஷங்கர் ராஜா இசையில் அவருடன் இணைந்து ராஜ லட்சுமி தான் பாட இருந்தாராம். ஆனால் அதிதி ஷங்கரை பாட வைத்துவிட்டதாக தகவல் வெளியானது. இதையடுத்து பாடகி ராஜலட்சுமி ஒரு விளக்கம் கொடுத்துள்ளார்.

அவர் கூறுகையில், ‛‛விருமன் படத்திற்காக யுவன் சங்கர் ராஜாவுடன் இணைந்து நான் பாடிய மதுரை வீரன் பாடலில் எனது குரலுக்கு பதிலாக அதிதி ஷங்கரின் குரல் இடம் பெற்றதால் எனக்கு எந்த வருத்தமும் இல்லை . சினிமாவில் இதுபோன்று நடப்பது சகஜமான ஒரு விஷயம் தான். ஒரு பாடலுக்கு யாருடைய குரல் பொருத்தமாக இருக்கிறதோ அவர்களைத் தான் இசை அமைப்பாளர்கள் பாட வைப்பார்கள். அப்படி மதுரை வீரன் பாடலை முதலில் என்னை பாட வைத்த யுவன் சங்கர் ராஜா, எனது குரலை விட அதிதி ஷங்கரின் குரல் சிறப்பாக இருந்ததால் மீண்டும் அவரை வைத்து அந்த பாடலை பாட வைத்து இருக்கிறார். அவரும் நன்றாகத்தான் பாடி இருக்கிறார். அதனால் இதற்காக அதிதி ஷங்கரை பலரும் விமர்சிப்பதை பார்க்கும்போது எனக்கு வருத்தமாக உள்ளது'' என்று தெரிவித்திருக்கிறார் பாடகி ராஜலட்சுமி.

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  துல்கர் சல்மானுக்கு ஜோடியாக நடிக்க 3 கோடி சம்பளம் வாங்கிய பூஜா ஹெக்டே!
• 
  புகழ்ச்சியை தலையில் ஏற்றிக் கொள்ள மாட்டேன்! : கல்யாணி பிரியதர்ஷன்
• 
  விஜய்யின் தந்தை இயக்குனர் எஸ்.ஏ.சி.,யை டென்ஷன் ஆக்கிய கேள்வி!
• 
  சிம்புவின் ‛அரசன்' படத்தில் இடம் பெறும் மூன்று முன்னணி நடிகைகள்!
• 
  நாகார்ஜுனாவின் 100வது படத்தில் இணையும் நாகசைதன்யா - அகில்