பிளாஷ்பேக்: தமிழ் சினிமாவின் முதல் பெண்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

23 ஆக, 2024 - 12:42 IST

எழுத்தின் அளவு:

தமிழ் சினிமாவின் முதல் பெண், முதல் ஆளுமை என்றால் அது டி.பி.ராஜலட்சுமிதான். ஊமை படத்தின் காலத்தில் முதல் நாயகியாக அறிமுகமானார். 1929ம் ஆண்டு அவர் நடித்த 'கோவலன்' என்ற ஊமைப் படம் வெளிவந்தது. அதன் பிறகு 'உஷா சுந்தரி' என்ற ஊமைப்படத்திலும் நடித்தார். தமிழில் முதல் பேசும்படமான 'காளிதாஸ்' நாயகியும் டி.பி.ராஜலட்சுமிதான்.

1936ல் 'மிஸ் கமலா' படத்தினை அவரே சொந்தமாகத் தயாரித்தார். அதனால், தமிழில் முதல் பெண் தயாரிப்பாளர் எனும் பெயரும் ராஜலட்சுமிக்குக் கிடைத்தது. அந்தப் படத்தை அவரே இயக்கினார். தமிழின் முதல் பெண் இயக்குநர் எனும் பெயரும் அவரையே வந்து சேர்ந்தது. இந்த படத்திற்கு அவரே திரைக்கதை வசனம் எழுதினார். இசை அமைத்தார். இதன் மூலம் முதல் பெண் திரைக்கதை ஆசிரியர், கதாசிரியர், இசை அமைப்பாளர் என்ற பெருமையும் அவருக்கு கிடைத்தது. அதனால் இவரை 'குயின் ஆஃப் தமிழ் சினிமா' என்று வரலாற்று ஆசிரியர்கள் குறிப்பிடுகிறார்கள்.

தஞ்சாவூருக்கு அருகே திருவையாறு எனும் ஊரில் பஞ்சாபகேச அய்யருக்கும் மீனாட்சியம்மாளுக்கும் பிறந்த மகள் தான் ராஜலட்சுமி. ராஜலட்சுமிக்கு எட்டு வயதிருக்கும்போதே திருமணமாகி விட்டது. திருமணமாகிப் புகுந்தவீடு போன ராஜலட்சுமியை வரதட்சணைக் கொடுமை பிறந்த வீட்டுக்கு திருப்பி அனுப்பியது. திடீரென தந்தை இறந்து விட குடும்பத்தை காப்பாற்ற திருச்சி சாமாண்ணா நாடக கம்பெனியில் சேர்ந்தார். அவரின் இனிமையான குரல் அவருக்கு நடிப்பு வாய்ப்பு பெற்று கொடுத்தது. அதன் பிறகு நாடகத்தில் இருந்து சினிமாவுக்கு வந்தார். 14 படங்களில் நடித்த ராஜலட்சுமி, 1943ல் மரணம் அடைந்தார்.

Flashback

TP Rajalakshmi

TPR

Tamil Cinema

First Lady

பிளாஸ்பேக்

டிபி ராஜலட்சுமி

கருத்துகள் (0) கருத்தைப் பதிவு செய்ய

பிளாஷ்பேக்: வெண்ணிற ஆடை நிர்மலாவை ...

சமுத்திரகனி படத்திற்கு ஹங்கேரியில் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய