Dinamalar

விஜய்யின் வாரிசு படம் குறித்து சரத்குமார் கொடுத்த அப்டேட்

பீஸ்ட் படத்தை அடுத்து வம்சி பைடிபள்ளி இயக்கும் வாரிசு படத்தில் நடித்து வருகிறார் விஜய். தமிழ், தெலுங்கில் தயாராகும் இந்த படத்தில் விஜய்க்கு ஜோடியாக ராஷ்மிகா மந்தனா நடிக்க, சரத்குமார், பிரகாஷ்ராஜ், ஸ்ரீகாந்த், யோகி பாபு, சங்கீதா, சம்யுக்தா உள்பட பலர் முக்கிய வேடங்களில் நடிக்கும் இந்த படத்துக்கு தமன் இசையமைக்கிறார். இப்படம் அடுத்த ஆண்டு பொங்கலுக்கு திரைக்கு வருகிறது. மேலும் இந்த வாரிசு படம் பேமிலி சென்டிமென்ட் கதையில் உருவாகி வருவதாக ஆரம்பத்திலிருந்தே செய்திகள் வெளியாகி வருகின்றன.

இந்த நிலையில் தற்போது சரத்குமார் வாரிசு படம் குறித்து ஒரு அப்டேட் கொடுத்துள்ளார். அவர் கூறுகையில், இந்த படம் முழுமையான பேமிலி சப்ஜெக்ட் என்று சொல்ல முடியாது. பேமிலி சென்டிமென்ட் காட்சிகள் இருந்தாலும் ஆக்சன், காமெடி என பல அம்சங்களும் கலந்து இருக்கிறது. குறிப்பாக, இந்த படம் முழுமையான அன்பை வெளிப்படுத்தும் ஒரு கதையில் உருவாகி வருகிறது. முக்கியமாக விஜய் ரசிகர்கள் எதிர்பார்க்கும் பல அதிரடியான ஆக்சன் காட்சிகளும் இடம்பெற்றுள்ளது என்று ஒரு அப்டேட் கொடுத்திருக்கிறார் சரத்குமார்.

• இவரை பற்றி
• செய்திகள்
• ஆல்பம்