Dinamalar

ரஜினிகாந்த் சாதனையை முறியடித்த கமல்ஹாசன்

தமிழ் சினிமாவில் முன்னணி நடிகர்களின் டீசர், டிரைலர், பாடல்கள் உள்ளிட்ட வீடியோக்கள் யு-டியூபில் வெளியாகும் போது படத்திற்குப் படம் புதிய சாதனைகளைப் படைக்கும். அந்த சாதனையில் விஜய், அஜித் படங்கள்தான் எப்போதுமே போட்டி போடும். மற்ற நடிகர்களின் வீடியோக்கள் அவர்களுக்குப் பிறகுதான்.

ரஜினிகாந்த் பட வீடியோக்கள் கூட விஜய், அஜித் படங்களின் சாதனையை நெருங்க முடியாத அளவில்தான் உள்ளது. ரஜினிகாந்த் பட டிரைலர்கள் இதுவரையிலும் 1 மில்லியன் லைக்குகளைத் தொட்டதில்லை. 'கபாலி' டீசர்தான் ரஜினி பட டீசர்களிலேயே முதன் முதலில் சாதனையை ஆரம்பித்து வைத்தது. இந்திய அளவில் அதிகப் பார்வைகைளப் பெற்ற டீசராக அந்த டீசர் வெளிவந்த போது சாதனையைப் படைத்தது.

அதன் பிறகு வெளிவந்த படங்களில் 'தர்பார்' டிரைலர் மட்டும் 7 லட்சம் லைக்குகளைப் பெற்று முதலிடத்தில் உள்ளது. ரஜினி பட டிரைலர்களில் அதிக பட்ச பார்வைகளைப் பெற்ற இதே டிரைலர்தான் 20 மில்லியன் பார்வைகளுடன் உள்ளது.

'தர்பார்' டிரைலர் லைக்குகளை தற்போது கமல்ஹாசன் நடிப்பில் வர உள்ள 'விக்ரம்' டிரைலர் முறியடித்துள்ளது. 'விக்ரம்' டிரைலருக்கு 1 மில்லியன் லைக்குகள் கிடைத்துள்ளது. 16 மில்லியன் பார்வைகளையும் இது கடந்துள்ளது. விரைவில் 'தர்பார்' பார்வைகளான 20 மில்லியன் பார்வைகளையும் கடந்துவிடும் வாய்ப்புள்ளது.

ரஜினி பட டிரைலர் சாதனையை கமல் பட டிரைலர் முறியடிப்பது ரஜினி ரசிகர்களிடம் கொஞ்சம் வருத்தத்தை ஏற்படுத்தியுள்ளது.

• 
  என்டிஆர், நீல் படத்தில் இணைந்த பிரபல பாலிவுட் நடிகர்!
• 
  மகளுக்கு பெயர் சூட்டிய கியாரா அத்வானி - சித்தார்த் மல்கோத்ரா தம்பதி!
• 
  ஹிந்தியில் வரவேற்பைப் பெறும் 'தேரே இஷ்க் மெய்ன்'
• 
  பாலிவுட் நடிகருக்கு ஜோடியாகும் மீனாட்சி சவுத்ரி
• 
  நிரப்ப முடியாத வெற்றிடம் : கணவர் தர்மேந்திரா மறைவு குறித்து ஹேமமாலினி ...

• 
  சித்தார்த் அப்படிப்பட்டவர் இல்லை! - கார்த்திக் ஜி கிரிஷ்
• 
  மலையாளத்தில் அறிமுகமாகும் துஷாரா விஜயன்!
• 
  குந்தனை நினைவுக்கூர்ந்த தனுஷ்
• 
  திரையுலக பயணம் 33 ஆண்டுகள் நிறைவு: டிச.4ல் வெளியாகிறது 'ஜனநாயகன்' ...
• 
  'பராசக்தி' படத்தின் டப்பிங்கை தொடங்கிய சிவகார்த்திகேயன்!