Dinamalar

முதல்வர் மு.க.ஸ்டாலின் பிறந்தநாள் -- ரஜினிகாந்த், கமல்ஹாசன் வாழ்த்து

தமிழக முதல்வர் மு.க.ஸ்டாலின் இன்று தன்னுடைய 69வது பிறந்தநாளைக் கொண்டாடிக் கொண்டிருக்கிறார். அவருக்கு பிரதமர் நரேந்திர மோடி உள்ளிட்ட தலைவர்கள் வாழ்த்துகளைத் தெரிவித்துள்ளனர்.

தமிழ்த் திரையுலத்தின் முக்கிய சீனியர் நடிகர்களான ரஜினிகாந்த், கமல்ஹாசன் ஆகியோரும் சமூகவலைதளம் மூலம் வாழ்த்தியுள்ளனர். நடிகர் ரஜினிகாந்த் தெரிவித்துள்ள வாழ்த்துச் செய்தியில், “இன்று பிறந்த நாள் காணும் இனிய நண்பர், மதிப்பிற்குரிய தமிழக முதல்வர் ஸ்டாலினுக்கு என்னுடைய மனமார்ந்த வாழ்த்துகள்,” என்று குறிப்பிட்டுள்ளார்.

நடிகரும், மக்கள் நீதி மய்யம் தலைவருமான கமல்ஹாசன், “மனதிற்குகந்த நண்பர், தமிழக முதல்வர் ஸ்டாலின் பிறந்த நாள் காண்கிறார். எதிர்ப்போர் கருத்துக்கும் இடமளித்து, தன் எண்ணத்துக்கும் செயலுக்கும் வலு கூட்டிச் செயல்படும் அவருக்கு என் நெஞ்சார்ந்த வாழ்த்து. நீடு வாழ்க,” என பதிவிட்டுள்ளார்.
நடிகரும், தேமுதிக தலைவருமான விஜயகாந்த் கூறுகையில், ‛‛இன்று பிறந்தநாள் காணும் இனிய நண்பரும், தமிழக முதல்வருமான திரு. மு.க.ஸ்டாலின் அவர்களுக்கு என்னுடைய பிறந்தநாள் நல்வாழ்த்துக்களை தெரிவித்து கொள்கிறேன். அவர் உடல் ஆரோக்கியத்துடன், எல்லா வளமும் பெற்று இறைவன் அருளுடன், நீடூழி வாழ வாழ்த்துகிறேன்'' என்றார்.

மேலும், பல திரையுலகப் பிரபலங்களும் சமூக வலைத்தளங்களில் முதல்வர் மு.க.ஸ்டாலினுக்கு வாழ்த்து தெரிவித்து வருகின்றனர்.

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  கார்த்தி நடிக்கும் ‛வா வாத்தியார்' ரிலீஸ் தேதி அறிவிப்பு
• 
  தமிழகம் பக்கமே வரலை... ஆனாலும் தமிழில் ஹிட்
• 
  பக்தி மயத்தில் கோலிவுட் பார்ட்டிகள்
• 
  ‛‛2 ஆயிரம் சம்பளம் கேட்டேன், 4 லட்சம் கொடுத்தார் நட்டி'': சிங்கம்புலி ...
• 
  கன்னடத்தில் அதிக வசூல் படங்கள் : இரண்டாம் இடம் பிடித்த 'காந்தாரா சாப்டர் ...