Dinamalar

100 மில்லியனைக் கடந்த 'காட்டுப்பயலே' பாடல்

யு டியூபில் தமிழ் சினிமா பாடல்கள் 100 மில்லியன் பார்வைகளைக் கடப்பது ஒரு சாதனையாகப் பார்க்கப்படுகிறது. இசை, பாடல் வரிகள், நடனம், பாடகர், பாடகிகள் என அனைத்தும் சிறப்பாக இருக்கும் சில பாடல்கள் மட்டுமே ரசிகர்களின் ஏகோபித்த வரவேற்பைப் பெறுகின்றன.

தமிழ் சினிமா பாடல்களில் அதிக பார்வைகளைப் பெற்ற பாடலாக 'ரவுடி பேபி' பாடல் 1300 மில்லியன் பார்வைகளைக் கடந்து முதலிடத்தில் உள்ளது. 25க்கும் மேற்பட்ட பாடல்கள் 100 மில்லியன் பார்வைகளைக் கடந்த பாடலாக இருக்கின்றன.

அந்தக் கணக்கில் புதிதாக 'சூரரைப் போற்று' படத்தில் இடம் பெற்ற 'காட்டுப்பயலே' பாடல் தற்போது 100 மில்லியன் பார்வைகளைக் கடந்து இடம் பிடித்துள்ளது. ஜிவி பிரகாஷ்குமார் இசையில், சினேகன் எழுதி, தீ பாடிய பாடல் இது.

இதற்கு முன்பு சூர்யா நடித்த 'என்ஜிகே' படத்தின் 'அன்பே பேரன்பே…', 'தானா சேர்ந்த கூட்டம்' படத்தின் 'சொடக்கு மேல..' ஆகிய பாடல்கள் 100 மில்லியனைக் கடந்துள்ளன.

ஜிவி பிரகாஷ் இசையமைத்த தமிழ் பாடல்களில் இதற்கு முன்பு 100 மில்லியன் பார்வைகளைக் கடந்த பாடலாக 'தெறி' படத்தின் 'என் ஜீவன்…' பாடல் மட்டுமே உள்ளது. இப்போது இரண்டாவது பாடலாக 'காட்டுப்பயலே' 100 மில்லியன் பட்டியலில் இணைந்துள்ளது. இதன் தெலுங்குப் பாடலான 'காட்டுக கண்ணுலே' ஏற்கெனவே 100 மில்லியன் பார்வைகளைக் கடந்துள்ளது குறிப்பிட வேண்டிய ஒன்று.

• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்
• 
  காரில் வெடிகுண்டு வைத்து தகர்ப்போம்! சல்மான்கானுக்கு மீண்டும் கொலை ...

• 
  'கனிமா'வைத் தொடர்ந்து 'ஜிங்குச்சா' : மீண்டும் ஒரு திருமணப் பாடல்
• 
  'பெத்தி' படத்தில் இணைகிறாரா காஜல் அகர்வால்?
• 
  'கூலி' படத்தில் நடித்துள்ள 'குட் பேட் அக்லி' பிரபலம்!
• 
  ரெட்ரோ படத்தின் தணிக்கை மற்றும் நீளம் குறித்து தகவல் இதோ!
• 
  ஆன் ஸ்க்ரீன் என்னோட குரு கமல்ஹாசன் - சிலம்பரசன் பேச்சு