Dinamalar

ஜனகராஜூக்காக சிறப்பு தோற்றத்தில் நடித்த விஜய்சேதுபதி

விஜய்சேதுபதி ஏராளமான படங்களில் சிறப்பு தோற்றத்தில் நடித்து வருகிறார். நண்பர்களுக்காக அவர் இதை செய்து வருகிறார். அந்த வரிசையில் ஜனகராஜுக்காக ஒரு படத்தில் இலவசமாக சிறப்பு தோற்றத்தில் நடித்துக் கொடுத்திருக்கிறார். அதுபற்றி விபரம் வருமாறு:

ஜேபிஜே பிலிம்ஸ் சார்பில் ஜெயசீலன் தயாரிக்கும் படம் ஒபாமா. இந்த படத்தில் பிரித்வி பாண்டியராஜன் கதாநாயகனாக நடிக்கிறார். கதாநாயகியாக பூர்நிஷா நடிக்கிறார். மற்றும் ஜனகராஜ், கே.எஸ்.ரவிக்குமார், இயக்குனர் விக்ரமன், ரமேஷ் கண்ணா, தயாரிப்பாளர் டி.சிவா,தளபதி தினேஷ் உள்பட பலர் நடிக்கிறார்கள்.

படம் பற்றி இயக்குனர் நானி பாலா கூறியதாவது: இன்றைய காலகட்டத்தில் நடந்து கொண்டிருக்கும் பல சமூகம் சார்ந்த கருத்துக்களை காதல், காமெடி கலந்து ஜனரஞ்சகமாக உருவாக்கியுள்ளோம். இந்த படத்தில் ஒரு முக்கிய கதாபாத்திரத்தில் ஒரு முன்னணி நடிகர் நடிக்க உறுதி அளித்து இருந்தார், ஆனால் அவர் ஷூட்டிங் நேரத்தில் நடிக்க மறுத்துவிட்டார்.

அதனால் நான் ரொம்பவும் அப்செட் ஆகிவிட்டேன். அதை பார்த்த நடிகர் ஜனகராஜ் என்னிடம் வந்து நான் ஒரு முயற்சி செய்கிறேன் என்றார். பின் அவர் 96 படத்தின் டைரக்டர் பிரேம் அவர்களிடம் இந்த மாதிரியான படம் விஜய் சேதுபதி அவர்கள் நடிப்பாரா என்று கேட்க, அவரும் உங்களுக்காக கேட்டு பார்க்கறேன் என்றார். அதை கேட்டு அவரும் அண்ணனுக்காக நடித்து கொடுக்கலாம் என்று சொல்லிவிட்டார்.

இதை அவர் சொன்ன போது என்னால் நம்ப முடியவில்லை. அவரை கேட்டால் நடிப்பார் என்று எப்படி தோன்றியது என்று ஜனகராஜிடம் கேட்டேன்? அதற்கு ஜனகராஜ் அவரோடு பழகியபோது தெரிந்தது என்றார். அது சீனியர் ஒருவருக்கான மரியாதை, தொழிலுக்கு காட்டும் நன்றி தான் அதற்கு காரணம் என்றார்.

உடனே நான் அவர் நடிக்க வேண்டிய காட்சிகளை எழுதி 96 படத்தின் இயக்குனருக்கு வாட்ஸ் அப் செய்ய, அதை அவர் விஜய் சேதுபதிக்கு அனுப்ப அதை படித்த அவர் என் போன் நம்பர் வாங்கி என்னிடம் பிரதர் படிச்சு பார்த்தேன் நல்லாருக்கு நேரில் டிஸ்கஷன் செய்து எடுப்போம் என்றார். பிறகு அவர் வெளிநாட்டில் இருந்து வந்தவுடன் கட்சியை அவரோடு நேரில் டிஸ்கஷன் செய்தேன், பிறகு நடித்து கொடுத்தார் என்றார்.

• 
  புஷ்பா 2, ஸ்த்ரீ 2-க்குப் பிறகு சாதனை வசூலில் 'சாவா'
• 
  இந்த வாரம் 'ராமாயணா' படப்பிடிப்பில் கலந்து கொள்ளும் யஷ்!
• 
  ஊர்மிளாவுக்கு 50 வயது மாதிரியா தெரிகிறது… !!
• 
  பிராமணர்கள் குறித்து அவதுாறு கருத்து: மன்னிப்பு கேட்டார் 'மஹாராஜா' ...
• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...

• 
  சூர்யா 46வது படத்தின் பணி துவங்கியது
• 
  கன்னட சினிமாவில் அறிமுகமாகும் பூஜா ஹெக்டே
• 
  மூன்று நாட்களில் விஜய்யின் 'சச்சின்' படம் செய்த வசூல் சாதனை!
• 
  மஹாராஷ்டிரா கோலாப்பூரில் உள்ள மகாலஷ்மி கோவிலில் சாமி தரிசனம் செய்த ...
• 
  உங்களை நீங்களே பாராட்டிக் கொள்ளுங்கள்! - ரோஜா பூ உடன் ராஷ்மிகா வெளியிட்ட ...