Dinamalar

'ஆர்ஆர்ஆர்' டிரைலர் எடிட்டருக்கு நன்றி சொன்ன ராஜமவுலி

ராஜமவுலி இயக்கத்தில், மரகதமணி இசையமைப்பில், ஜுனியர் என்டிஆர், ராம்சரண், ஆலியா பட் மற்றும் பலர் நடிப்பில் உருவாகியுள்ள படம் 'ஆர்ஆர்ஆர்'. இப்படத்தின் டிரைலர் கடந்த வாரம் 5 மொழிகளில் வெளியானது. டிரைலருக்கு அனைத்து மொழி ரசிகர்களிடமும் பெரும் வரவேற்பு கிடைத்தது.

இந்த டிரைலரை படத்தின் எடிட்டரான ஸ்ரீகர் பிரசாத் 'எடிட்' செய்யாமல் சென்னையைச் சேர்ந்த வேறொரு எடிட்டர் எடிட் செய்திருக்கிறார். அவருக்கு நன்றி தெரிவிக்கும் வகையில் நேற்று ராஜமவுலி, “இந்த கர்ஜனையான வரவேற்புக்கு ஒருவரின் திறமைதான் சிறந்த காரணம், அவர் எடிட்டர் பிரவீண். அவர்தான் 'ஆர்ஆர்ஆர்' டிரைலரை கட் செய்தார். உங்கள் நேரத்திற்கும், பொறுமைக்கும், முயற்சிக்கும் நன்றி பிரதர்,” என அவருக்கு நன்றி தெரிவித்துள்ளார்.

ஒரு படத்திற்கு அதன் டீசர், டிரைலருக்குக் கிடைக்கும் வரவேற்பு மிக முக்கியமானது. 'ஆர்ஆர்ஆர்' போன்ற பான் - இந்தியா படங்களின் டிரைலர்கள் பெரும் சாதனை படைத்தால் தான் அதற்கான வரவேற்பையும், வசூலையும் பெற முடியும். அதற்கு எடிட்டர் பிரவீண் ஆண்டனி காரணமாக இருந்திருக்கிறார்.

'ஆர்ஆர்ஆர்' ஹிந்தி டிரைலர் தற்போது 40 மில்லியன் பார்வைகளையும், தெலுங்கு டிரைலர் 31 மில்லியன், கன்னட டிரைலர் 6 மில்லியன், தமிழ் டிரைலர் 6 மில்லியன், மலையாள டிரைலர் 3 மில்லியன் பார்வைகளையும் பெற்றுள்ளன.

• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது

• 
  மீண்டும் இயக்குனராக களமிறங்கும் பிரபுதேவா!
• 
  ரஜினி பிறந்தநாளில் ‛ஜெயிலர் 2' சர்ப்ரைஸ்!
• 
  மகத் ராகவேந்திரா, ஐஸ்வர்யா ராஜேஷ் இணைந்து நடிக்கும் புதிய படம்!
• 
  இசை பல்கலைக்கழகத்தில் பாடகி மாலதி லக்ஷ்மனுக்கு முக்கிய பொறுப்பு
• 
  பிளாஷ்பேக்: மொழி மாற்றம் செய்து வியாபாரப் போட்டியில் வென்று காட்டிய ஏ வி ...