Dinamalar

ஆஸ்தான நடிகரையும் மோகன்லால் படத்தில் இணைத்துக் கொண்ட ஆவேசம் இயக்குனர்

கடந்த வருடம் மலையாளத்தில் பஹத் பாசில் நடிப்பில் ‛ஆவேசம்' என்கிற திரைப்படம் வெளியானது. கேங்ஸ்டர் பின்னணியில் அதே சமயம் நகைச்சுவை கலந்த கதை அம்சத்துடன் உருவாகி இருந்த இந்த படத்தில் ‛ரங்கன்' என்கிற தாதா கதாபாத்திரத்தில் ஆக்சன் பிளஸ் காமெடி கலந்த நடிப்பை வெளிப்படுத்தி இருந்தார். பஹத் பாசில், இந்த படம் மிகப்பெரிய வெற்றியை பெற்று 100 கோடி வசூல் கிளப்பிலும் இணைந்தது. இந்த படத்தை இயக்குனர் ஜித்து மாதவன் இயக்கியிருந்தார். இதற்கு முன்பாக இவர் ‛ரோமாஞ்சம்' என்கிற ஹாரர் காமெடி படத்தை இயக்கி வெற்றியைப் பெற்றவர். இந்த இரண்டு படங்களிலும் முக்கிய கதாபாத்திரத்தில் நடித்தவர் சஜின் கோபு.

குறிப்பாக ஆவேசம் படத்தில் தொங்கு மீசையுடன் பஹத் பாசிலின் வலது கையாகவே படம் முழுவதும் பயணிக்கும் ஒரு நகைச்சுவை கலந்த கதாபாத்திரத்தில் நடித்து ரசிகர்களுக்கு நன்கு அறிமுகமானார். சமீபத்தில் கூட பஷில் ஜோசப் நடிப்பில் வெளியாகி உள்ள ‛பொன் மேன்' என்கிற படத்தில் முக்கிய கதாபாத்திரத்தில் இவர் நடித்துள்ளார். இந்த நிலையில் ஆவேசம் படத்தை தொடர்ந்து நடிகர் மோகன்லாலை வைத்து ஜித்து மாதவன் தனது அடுத்த படத்தை இயக்க இருக்கிறார். அந்த படத்திலும் சஜின் கோபுவுக்கு முக்கிய கதாபாத்திரத்தை உருவாக்கி அவரையும் படத்தில் இணைத்து கொண்டுள்ளாராம் இயக்குனர் ஜித்து மாதவன்.

• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்
• 
  பாலியல் குற்றச்சாட்டுக்கு ஆளான ஒளிப்பதிவாளர் குறித்து தயாரிப்பாளர் ...
• 
  ஹாலிவுட் படத்தில் நடிக்கும் திஷா பதானி
• 
  மோகன்லால், மம்முட்டி படத்தை முடித்துவிட்டு சல்மான் கானை இயக்க தயாராகும் ...

• 
  ஆந்திர முதல்வர் சந்திரபாபு நாயுடுவை திருமணத்திற்கு அழைத்த நாகார்ஜுனா
• 
  பஹத் பாசில் ஸ்மார்ட் போன் பயன்படுத்துவதில்லை: நடிகர் வெளியிட்ட ஆச்சரிய ...
• 
  மீண்டும் தலைவராக விரும்பும் மோகன்லால்... : ஆனால் ஒரு நிபந்தனையுடன்?
• 
  கொலை மிரட்டல் காரணமாக மேனேஜர் மீது போலீசில் புகார் அளித்த உன்னி ...
• 
  கண்ணப்பா ஹார்ட் டிஸ்க் களவு போனதன் பின்னணியில் சகோதரர் : விஷ்ணு மஞ்சு ...