Dinamalar

மும்பை போலீஸ் தெலுங்கு ரீமேக் ; சுதீர்பாபு துணிச்சல் முயற்சி

சமீபகாலமாக மலையாளத்தில் ஹிட்டான திரைப்படங்கள் தெலுங்கில் தொடர்ந்து ரீமேக்காகி வருகின்றன. அதிலும் குறிப்பாக நடிகர் பிரித்விராஜ் நடித்த படங்களே அதிகம் ரீமேக் செய்யப்படுகின்றன. அந்த வகையில் கடந்த பிரித்விராஜ் நடித்த அய்யப்பனும் கோஷியும் திரைப்படம் சில மாதங்களுக்கு முன்பு பவன் கல்யாண் நடிப்பில் பீம்லா நாயக் என்கிற பெயரில் வெளியானது. பிரித்விராஜ் இயக்கி முக்கிய வேடத்திலும் நடித்திருந்த லூசிபர் திரைப்படம் தற்போது சிரஞ்சீவி நடிப்பில் காட்பாதர் என்கிற பெயரில் நேற்று வெளியாகி வெற்றியும் பெற்றுள்ளது.

இந்தநிலையில் சில வருடங்களுக்கு முன்பு பிரித்விராஜ் நடிப்பில் மலையாளத்தில் வெளியாகி சூப்பர் ஹிட்டான மும்பை போலீஸ் என்கிற திரைப்படமும் தற்போது தெலுங்கில் ரீமேக் ஆகி வருகிறது. மலையாளத்தில் ரோஷன் ஆண்ட்ரூஸ் இயக்கிய இந்தப்படம் தெலுங்கில் மகேஷ் என்பவர் இயக்கத்தில் ஹன்ட் என்கிற பெயரில் ரீமேக் செய்யப்பட்டுள்ளது. இந்த படத்தில் கதாநாயகனாக சுதீர்பாபு நடித்துள்ளார். இந்த படத்தின் ரீமேக்கில் இவர் நடிப்பதை ஒரு துணிச்சலான முயற்சி என்றே சொல்லலாம்.

காரணம் இந்தப்படத்தில் கதையின் நாயகன் அதிரடி போலீஸ் ஆபிசர். ஆனால் நிஜத்தில் அவனுக்கு இருக்கும் இன்னொரு முகம் தான் ஹோமோ செக்சுவல் முகம். மலையாளத்தில் மற்ற ஹீரோக்கள் அனைவரும் தயங்கியபோது, பிரித்விராஜ் மட்டும் இமேஜ் பற்றி கவலைப்படாமல் தைரியமாக முன்வந்து நடித்து பாராட்டை பெற்றார். இப்போது அதே கதாபாத்திரத்தை சுதீர் பாபு ஏற்று நடித்துள்ளார் முக்கிய வேடத்தில் நடிகர் பரத் நடித்துள்ளார். இந்த படத்தின் டீசர் தற்போது வெளியாகி பரபரப்பை ஏற்படுத்தி உள்ளது.

• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்

• 
  ‛காந்தாரா சாப்டர் 1' வெற்றியை ஜெயசூர்யா வீட்டில் கொண்டாடிய ரிஷப் ஷெட்டி
• 
  பிரம்மாண்ட விழா நடத்தி மோகன்லாலை கவுரவித்த கேரள அரசு
• 
  லோகா ஒளிப்பதிவாளருக்கு விலை உயர்ந்த வாட்ச் பரிசளித்த கல்யாணி ...
• 
  நானி படத்தை இயக்கும் ஓஜி இயக்குனர் ; பூஜையுடன் படம் துவங்கியது
• 
  தொடரும் பட இயக்குனரின் சினிமாட்டிக் யுனிவர்ஸில் ஹீரோவாக நடிக்கும் ...