Dinamalar

ராதே - ரூ.80 கோடிக்கும் அதிகமான நஷ்டம்?

பிரபுதேவா இயக்கத்தில், சல்மான்கான், திஷா பதானி மற்றும் பலர் நடித்து ரம்ஜானை முன்னிட்டு 'பணம் செலுத்தி பார்க்கும் முறை'யில் டிஜிட்டல் தளங்களில் நேரடியாக வெளியான படம் 'ராதே'. இப்படத்திற்கு முதல் நாளில் பெரும் வரவேற்பு இருந்ததாக பாலிவுட்டில் பில்டப் கொடுத்தார்கள். ஆனால், படம் வெளியான அன்றே பைரசி தளங்களில் படம் வெளியாகிவிட்டது. ரசிகர்களை எச்சரிக்கும் விதமாகவும் தனது கோபத்தை வெளிப்படுத்தியிருந்தார் சல்மான்கான்.

படத்தைப் பார்க்க 249 ரூபாய் பணம் கட்ட வேண்டும் என்பதால் பலரும் படத்தை பைரசி தளங்களில் ஓசியில் பார்த்துவிட்டனர். மேலும், படமும் நன்றாக இல்லாத காரணத்தால் பலரும் பணம் கொடுத்து படத்தைப் பார்க்கத் தயங்கினர்.

பொதுவாக சல்மான் கான் படம் தியேட்டர்களில் வெளியானால் முதல் நாளிலேயே 100 கோடி வரை வசூலிக்கும். ஆனால், இந்தப் படம் டிஜிட்டல் தளங்களில் அவ்வளவு வசூலைக் கொடுக்க வாய்ப்பில்லை என்பதுதான் உண்மை.

ஒட்டு மொத்தமாக இப்படம் 80 கோடி ரூபாய் வரை நஷ்டத்தைக் கொடுக்கும் என பாலிவுட் வட்டாரங்கள் தெரிவிக்கின்றன. படத்தை வாங்கிய ஜீ நிறுவனத்திற்கு எதிர்பார்த்தது நடக்கவில்லை என்பது பெரும் வருத்தம்தான்.

இந்த நஷ்டம் மூலம் டிஜிட்டல் தளங்களில் இப்படி படத்தை வெளியிடும் முறையில் ரிஸ்க் எடுத்து யாரும் வர மாட்டார்கள் என்று சொல்கிறார்கள்.

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?