Dinamalar

வீரதீர சூரன் படத்தில் மலையாள நடிகரின் தமிழ் உச்சரிப்பு : அசந்து போன இயக்குனர்

சித்தா படத்தின் மிகப்பெரிய வெற்றியை தொடர்ந்து இயக்குனர் எஸ்யு அருண்குமார் இயக்கத்தில் விக்ரம் நடிப்பில் உருவாகியுள்ள படம் வீரதீர சூரன். விரைவில் இந்த படம் திரைக்கு வர தயாராக இருக்கிறது. இந்த படத்தில் கதாநாயகியாக துஷாரா விஜயன் நடித்துள்ளார். முக்கியமான வேடங்களில் நடிகர் எஸ்ஜே சூர்யாவும், மலையாள காமெடி மற்றும் குணசித்ர நடிகரான சுராஜ் சுராஜ் வெஞ்சாரமூடுவும் நடித்துள்ளனர். சுராஜ் வெஞ்சாரமூடு தமிழில் நடிக்கும் முதல் படம் இதுதான். இவர் ஏற்கனவே ராம் இயக்கத்தில் மம்முட்டி நடித்த பேரன்பு படத்திலேயே நடிப்பதாக இருந்து சில காரணங்கள் அது நடக்காமல் போனது. இந்த நிலையில் சுராஜ் தமிழ் வசனங்களை அழகாக பேசியுள்ளார் என்று இயக்குனர் அருண்குமார் சமீபத்தில் தனது ஆச்சரியத்தை பகிர்ந்து கொண்டுள்ளார்.

இது குறித்து அருண்குமார் கூறும்போது, “நான் நடிகர் சுராஜ் வெஞ்சாரமூடுவின் நடிப்புக்கு ரசிகன். இந்த படத்தில் ஒரு கதாபாத்திரத்தில் அவர் நடிக்க வேண்டும் என விரும்பி தயாரிப்பாளரிடம் கூறினேன். தயாரிப்பாளரும் அவரும் நண்பர்கள் தான். ஆனாலும் நான் சுராஜிடம் கதை சொல்ல சென்ற போது இந்த படத்தில் நான் நடிக்கிறேன்.. ஆனால் தயாரிப்பாளருக்காக அல்ல உங்களுக்காக உங்களுடைய சித்தா, பண்ணையாரும் பத்மினியும் படங்களை நான் பார்த்திருக்கிறேன் அதற்காகத்தான். இந்த படத்தின் கதையை சொல்லுங்கள் என்று அவர் கூறியதும் அவர் என்னை எவ்வளவு கவனித்திருக்கிறார் என ஆச்சரியப்பட்டேன்.

அதன்பிறகு படப்பிடிப்பு தளத்திற்கு அவர் வந்த போது முதல் நாளே மிக நீளமான வசனங்களை பேச வேண்டி இருந்தது. ஆனால் எந்த தடுமாற்றமும் இன்றி அழகான தமிழ் உச்சரிப்புடன் அவர் அந்த வசனங்களை பேசினார். நீங்கள் படம் பார்க்கும்போது கவனித்துப் பார்த்தால் உச்சரிப்புக்கும் உதடுகளின் அசைவிற்கும் எந்த வித மாற்றமும் தெரியாது. அதற்கு காரணம் அவர் படத்தின் வசனங்களை முன்கூட்டியே என்னிடம் வாங்கிக் கொண்டு தனக்கென ஒரு மொழிபெயர்ப்பு உதவியாளரை வைத்துக் கொண்டு வசனங்களை பேச பக்காவாக தயாராகித்தான் படப்பிடிப்பிற்கே வந்தார். நிச்சயமாக இந்த படத்தை தொடர்ந்து அவர் தமிழில் மிகப்பெரிய ரவுண்டு வருவார் என்பது உறுதி” என கூறியுள்ளார் அருண்குமார்.

• 
  60வது வயதில் புது காதலியை அறிமுகம் செய்த அமீர்கான்
• 
  திருப்பதி கோவிலில் சிறப்பு தரிசனம்: நடிகை ரூபினியிடம் ஒன்றரை லட்சம் ...
• 
  வெங்கட் பிரபுவிடம் அவகாசம் கேட்ட அக்ஷய் குமார்
• 
  ஏஜ தொழில்நுட்பத்தில் தயாராகும் முதல் இந்திய படம்
• 
  மோகன்லாலின் அன்பு கட்டளையை மீற முடியவில்லை : விவேக் ஓபராய்

• 
  ஜி.வி. பிரகாஷ்க்கு அதிர்ச்சி தோல்வியை கொடுத்த 25வது படம் 'கிங்ஸ்டன்'
• 
  கூலி படப்பிடிப்பில் 39வது பிறந்தநாளை கொண்டாடிய லோகேஷ் கனகராஜ்!
• 
  55வது படத்தில் பயோபிக் கதையில் நடிக்கும் தனுஷ்!
• 
  பிரதீப் ரங்கநாதன் படத்திற்கு இசையமைக்கும் சாய் அபியன்கர்!
• 
  அஜித்தின் 'குட் பேட் அக்லி', சூர்யாவின் 'ரெட்ரோ' இரண்டு படங்களும் ஒரே ...