Dinamalar

டைகர் படப்பிடிப்பில் சல்மான்கானுக்கு தோள்பட்டையில் காயம்

கடந்த சில வாரங்களுக்கு முன்பு பாலிவுட்டில் சல்மான்கான் நடிப்பில் கிஸி கா பாய் கிஸி கி ஜான் என்கிற படம் வெளியானது. இந்த படத்திற்கு போதிய வரவேற்பு கிடைக்கவில்லை. இதைத்தொடர்ந்து தற்போது அவர் டைகர் 3 என்கிற படத்தின் படப்பிடிப்பில் கலந்து கொண்டு நடித்து வருகிறார் சல்மான்கான். ஏற்கனவே சல்மான்கான் நடிப்பில் வெளியான ஏக்தா டைகர் மற்றும் டைகர் ஜிந்தகி ஆகிய படங்களைத் தொடர்ந்து டைகர் பட வரிசையில் மூன்றாவது படமாக உருவாகி வருகிறது இந்த டைகர் 3.

இதன் படப்பிடிப்பு கிட்டத்தட்ட 2021லேயே துவங்கப்பட்டு கொரோனா உள்ளிட்ட காரணங்களால் தடைபட்டு தற்போது மீண்டும் முழு வீச்சில் நடைபெற்று வருகிறது. மனிஷ் ஷர்மா என்பவர் இயக்கிவரும் இந்த படத்தில் கதாநாயகியாக கத்ரீனா கைப் நடிக்க, வில்லனாக இம்ரான் ஹாஸ்மி நடிகிறார். தற்போது படப்பிடிப்பில் சல்மான்கானுக்கு தோள்பட்டையில் காயம் ஏற்பட்டுள்ளது.

இதற்காக வித்தியாசமான வண்ணத்தில் தோளில் பேண்டேஜ் போடப்பட்டு படப்பிடிப்பில் தான் இருக்கும் ஒரு புகைப்படத்தை சல்மான்கான் தனது சோசியல் மீடியா பக்கத்தில் வெளியிட்டுள்ளார். மேலும் இதுகுறித்து அவர் கிண்டலாக வெளியிட்டுள்ள பதிவு ஒன்றில், “உலகத்தையே உங்கள் தோள்களில் தூக்கி வைக்க நினைக்கிறீர்களா ? அவ்வளவு வேண்டாம்.. ஐந்து கிலோ தம்புள்ஸ் ஒன்றை தூக்கி காட்டுங்கள்.. புலிக்கு காயம்பட்டு உள்ளது” என்று குறிப்பிட்டுள்ளார்.

• 
  ஸ்பெயின் கார் பந்தயத்தில் மூன்றாமிடம்: அஜித் அணிக்கு உதயநிதி பாராட்டு
• 
  ‛மா இண்டி பங்காரம்' படப்பிடிப்பு இம்மாதம் துவக்கம்: சமந்தா வெளியிட்ட ...
• 
  துணிக்கடை திறப்பு விழாவில் கூட்ட நெரிசலில் சிக்கிக்கொண்ட பிரியங்கா ...
• 
  10க்கு 9 எப்பவுமே லேட் தான் ; இண்டிகோ விமான சேவை மீது மாளவிகா மோகனன் ...
• 
  வதந்திகளில் கவனம் செலுத்தவில்லை: காஜல் அகர்வால்

• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்