Dinamalar

இந்தியாவில் ஹிந்தியில் மட்டும் 500 கோடி கடக்கும் 'ஜவான்'

அட்லீ இயக்கத்தில், அனிருத் இசையமைப்பில், ஷாரூக்கான், நயன்தாரா, விஜய் சேதுபதி மற்றும் பலர் நடிப்பில் செப்டம்பர் 7ம் தேதி வெளியான படம் 'ஜவான்'. ஹிந்தி, தமிழ், தெலுங்கு ஆகிய மொழிகளில் இப்படம் வெளியானது. நேற்றைய அதிகாரப்பூர்வ அறிவிப்பின்படி இப்படம் உலக அளவில் 953 கோடி வசூலைப் பெற்றுள்ளது. இன்றைய ஞாயிறு வசூலுடன் இப்படம் வெளியான 18 நாட்களில் இந்தியாவில் ஹிந்தி மொழி வசூலில் மட்டும் 500 கோடி வசூலைக் கடக்கும் என தகவல் வெளியாகி உள்ளது.

மிகக் குறைந்த நாட்களில் 500 கோடி வசூலைக் கடந்த படம் என்ற புதிய சாதனையை இப்படம் படைத்துள்ளது. இதற்கு முன்பு இதே ஆண்டில் வெளிவந்த ஷாரூக்கான் நடித்த 'பதான்' படம் 28 நாட்களில் 500 கோடி வசூல் சாதனையைப் படைத்தது. அதற்குப் பிறகு வெளிவந்த 'கடார் 2' ஹிந்திப் படம் 24 நாட்களில் 500 கோடி வசூலித்து 'பதான்' சாதனையை முறியடித்தது.

ஒரே வருடத்தில் ஷாரூக்கானின் இரண்டு படங்கள் 500 கோடி வசூல் என்ற சாதனையைப் புரிந்துள்ளது. ஹிந்தியில் இந்த ஆண்டில் மட்டும் மூன்று படங்கள் 500 கோடி வசூல் என்ற சாதனையைப் புரிவது பாலிவுட்டினருக்கு மிகுந்த மகிழ்ச்சியைத் தந்துள்ளது.

'பாகுபலி 2' படம் 34 நாட்களில் 500 கோடி சாதனை என்பதைப் படைத்த போது ஒரு டப்பிங் படத்திற்கு இப்படி ஒரு வரவேற்பா என்று பாலிவுட்டினர் மிரண்டு போனார்கள். மீண்டும் நேரடி ஹிந்திப் படங்கள் புதிய சாதனையைப் படைப்பதால் அவர்கள் தற்போதைக்கு தென்னிந்தியப் படங்களின் தாக்கத்திலிருந்து விடுபட்டுள்ளார்கள்.

• 
  துல்கர் சல்மானின் ‛காந்தா' படத்தின் ரிலீஸ் தேதி அறிவிப்பு
• 
  கமல் படத்தில் இணைந்த பிரபல ஒளிப்பதிவாளர்
• 
  உஸ்தாத் பகத்சிங் படத்தின் படப்பிடிப்பை முடித்த பவன் கல்யாண்
• 
  பிளாஷ்பேக்: 'விமர்சனப் போட்டி' என்று விளம்பரம் செய்து, விடை தெரியாமல் ...
• 
  'ஹவுஸ் மேட்ஸ்' மூலம் தமிழுக்கு வரும் அர்ஷா பைஜு

• 
  'சாயரா' இந்தியாவில் நிகர வசூல் 250 கோடி
• 
  30 ஆயிரம் கோடி சொத்துக்களில் பங்கு கேட்கிறாரா கரிஷ்மா கபூர்?
• 
  வாடகை வீட்டில் வசிப்பது ஏன் ? பாலிவுட் நடிகர் அனுபம் கெர் ஆச்சரிய விளக்கம்
• 
  வார்-2வில் ஹிருத்திக் ரோஷனை விட அதிக சம்பளம் யாருக்குத் தெரியுமா?
• 
  வார் 2 படத்திற்காக மீண்டும் சிக்ஸ்பேக்கிற்கு மாறிய ஜூனியர் என்டிஆர்