Dinamalar

தமிழ் சினிமாவில் புது டிரெண்ட் - 100 பிரபலங்கள் வெளியிட்ட வாஸ்கோடகாமா பட பர்ஸ்ட் லுக்

5656 புரொடக்ஷன் சார்பில் உருவாகும் வாஸ்கோடகாமா படத்தை மலேசியாவை சேர்ந்த டத்தோ பி .சுபாஷ்கரன் தயாரிக்கிறார். நகுல் நாயகனாக நடிக்கும் இப்படத்தில் கே. எஸ்.ரவிக்குமார், முனிஸ்காந்த் முக்கிய வேடத்தில் நடிக்கின்றனர். நாயகி தேர்வு நடந்து வருகிறது. ஆர்.ஜி.கிருஷ்ணன் இயக்குகிறார்.

சமீபகாலமாக ஒரு படத்தின் பர்ஸ்ட் லுக், டீசர் உள்ளிட்டவைகளை பல பிரபலங்கள் ஒரே நேரத்தில் வெளியிடும் டிரெண்ட் அதிகமாகி வருகிறது. அந்தவகையில் இப்படத்தின் பர்ஸ்ட் லுக்கை போஸ்டரை விநாயகர் சதுர்த்தியான இன்று(செப்., 10) நடிகர்கள் சிவகார்த்திகேயன், ஆரி, கணேஷ் வெங்கட்ராமன் , நடிகைகள் ஐஸ்வர்யா ராஜேஷ் ,அதுல்யா ரவி, சுபிக்ஷா, இயக்குநர்கள் கே.எஸ்.ரவிக்குமார், ராம்குமார், இசையமைப்பாளர் டி இமான், தயாரிப்பாளர் உள்ளிட்ட 100 பேர் காலை 10 மணி 10 நிமிடத்திற்கு வெளியிட்டனர். இதுவரை திரையுலகம் காணாத புதுமையான நிகழ்வு இதுவாகும்.

இயக்குநர் ஆர்.ஜி.கிருஷ்ணன் கூறுகையில், "படத்தின் கதாநாயகனின் பாத்திரப் பொருத்தம் கருதியே வாஸ்கோடகாமா என பெயர் வைக்கப்பட்டது. குரங்கிலிருந்து வந்த மனிதன் படிப்படியாக நாகரிக வளர்ச்சி அடைந்தான். இன்னும் எதிர்காலத்தில் என்னவாக ஆவான்? அவனது மனநிலையும், குணாம்சமும் இன்னும் சில நூறு ஆண்டுகளுக்குப்பின் எப்படி மாறும் என்பதைக் கற்பனையாக ஜாலியான காட்சிகளோடு சொல்லும் படம் தான் இது என்றார்.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  26 வருடங்களுக்கு பிறகு ரீ ரிலீஸ் ஆகும் அமர்க்களம்
• 
  மீண்டும் கன்னட சினிமாவிற்கு திரும்பிய பிரியங்கா மோகன்
• 
  வரி ஏய்ப்பு : நாகார்ஜுனா, வெங்கடேஷ் குடும்ப ஸ்டுடியோக்களுக்கு நோட்டீஸ்
• 
  ஜனநாயகன் - தெலுங்கு வியாபாரம் முடிவு
• 
  தெலுங்கில் ரீரிலீசாகும் 'பையா' : மீண்டும் பார்க்க கார்த்தி ஆர்வம்