Dinamalar

அழகாக இருப்பது மட்டும் வாழ்க்கை இல்லை: சனுஷா கோபம்

மலையாள சினிமாவில் குழந்தை நட்சத்திரமாக நடித்தவர் சனுஷா. சிறந்த குழந்தை நட்சத்திரத்திற்கான இரண்டு மாநில விருதுகளை பெற்றவர். ரேனிண்டா படத்தின் மூலம் ஹீரோயின் ஆனார். அதன்பிறகு நாளை நமதே, நன்றி, எத்தன், அலெக்ஸ் பாண்டியன் உள்ளிட்ட சில படங்களில் நடித்தார். கடைசியாக கொடிவீரன் படத்தில் நடித்தார். 50க்கும் மேற்பட்ட மலையாள படங்களில் நடித்துள்ளார். மலையாள சின்னத்திரை சீரியல்களிலும் நடித்து வருகிறார்.

கடந்த சில நாட்களுக்கு முன்பு சனுஷா தனது படம் ஒன்றை தனது சமூக வலைத்தள பக்கத்தில் வெளியிட்டார் அதில் அவர் மிகவும் குண்டாக ஆளே அடையாளம் தெரியாத வகையில் காணப்பட்டார். சில ஹார்மோன் பிரச்சினைகள் காரணமா அவர் உடல் எடை கூடிவிட்டதாகவும், அதை குறைப்பதற்கான முயற்சியில் அவர் இருப்பதாகவும் கூறப்பட்டது.

என்றாலும் சமூக வலைத்தளங்களில் அவரை உருவக்கேலி செய்து வந்தனர். இதனால் கோபம் அடைந்த சனுஷா அவர்களுக்கு அளித்த பதில் வருமாறு: எனது உடல் எடை பற்றி கவலைப்படுபவர்களுக்கு தெரிவிப்பது என்னவென்றால், ஒருவர் எடை குறைப்பதற்காகவும், அழகாக இருப்பதற்காகவும் மட்டுமே உயிர் வாழ்வது இல்லை.

ஒருவரின் உடல் தோற்றத்தை வைத்து தைரியமாக கேலி செய்யும் நீங்கள் ஒன்றை நினைவில் வைத்துக் கொள்ளுங்கள். அதாவது ஒருவரை நோக்கி நீங்கள் விரல் நீட்டும்போது மற்ற விரல்கள் உங்களை நோக்கி இருக்கிறது. ஆகவே நீங்களும் நேர்த்தியானவர் இல்லை. உங்களுக்கு மனரீதியான பிரச்சினை உள்ளது. உங்கள் உடலை கவனித்துக்கொள்ளுங்கள். என்று கூறியுள்ளார்.

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  துல்கர் சல்மானுக்கு ஜோடியாக நடிக்க 3 கோடி சம்பளம் வாங்கிய பூஜா ஹெக்டே!
• 
  புகழ்ச்சியை தலையில் ஏற்றிக் கொள்ள மாட்டேன்! : கல்யாணி பிரியதர்ஷன்
• 
  விஜய்யின் தந்தை இயக்குனர் எஸ்.ஏ.சி.,யை டென்ஷன் ஆக்கிய கேள்வி!
• 
  சிம்புவின் ‛அரசன்' படத்தில் இடம் பெறும் மூன்று முன்னணி நடிகைகள்!
• 
  நாகார்ஜுனாவின் 100வது படத்தில் இணையும் நாகசைதன்யா - அகில்