Dinamalar

'திரிஷ்யம் 3' ; ஜீத்து ஜோசப் வெளியிட்ட முதல் புகைப்படம்

மலையாளத்தில் மோகன்லால் நடிப்பில் ஜீத்து ஜோசப் இயக்கத்தில் கடந்த 2013ல் வெளியாகி மிகப்பெரிய வெற்றியை பெற்ற படம் 'திரிஷ்யம்'. இந்த படத்தின் வெற்றியைத் தொடர்ந்து தென்னிந்திய மொழிகள் மற்றும் பாலிவுட் அதையும் தாண்டி சீன மொழியிலும் கூட இந்த படம் ரீமேக் செய்யப்பட்டது. இதனைத் தொடர்ந்து இந்த படத்தின் இரண்டாம் பாகமும் சில வருடங்கள் கழித்து வெளியானது. கொரோனா காலகட்டம் என்பதால் ஓடிடி.,யில் வெளியான இப்படத்திற்கு முதல் பாகத்திற்கு இணையான வரவேற்பு கிடைத்தது. தற்போது இந்த படத்தின் மூன்றாம் பாகம் தயாராகி வருகிறது. இந்த படத்தின் படப்பிடிப்பு தற்போது கேரளாவில் தொடுபுழாவில் நடைபெற்று வருகிறது.

இந்த படத்தின் கதாநாயகன் ஜார்ஜ் குட்டியாக நடித்துள்ள மோகன்லால், மனைவி மீனா, மகள்கள் அன்சிபா ஹாசன், எஸ்தர் அனில் ஆகியோருடன் ஒரு சராசரி குடும்பமாக வசித்து வருகிறார் என காட்டப்பட்டு வருகிறது. அந்த வகையில் கடந்த இரண்டு பாகங்களிலும் அவர்களது வீட்டு சமையலறையும் டைனிங் ஹாலும் படத்தில் பிரதான இடம் பிடித்திருந்தன. இந்த நிலையில் அப்படி இந்த மூன்றாம் பாகத்திலும் ஒரு டைனிங் ஹால் காட்சியை படமாக்கிய இயக்குனர் ஜீத்து ஜோசப் அதிலிருந்து ஒரு புகைப்படத்தை தனது சோசியல் மீடியா பக்கத்தில் வெளியிட்டுள்ளார்.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  தி கேர்ள் ப்ரண்ட் ஹீரோவின் கன்னட பட ரிலீஸ் தேதி ஒரு வாரம் தள்ளி வைப்பு
• 
  தள்ளிப்போன மம்முட்டியின் களம்காவல் ரிலீஸ்
• 
  கிறிஸ்துமஸ் பண்டிகையில் வெளியாகும் 'சர்வம் மாயா'
• 
  பட விளம்பர மோசடி ; பெண் உள்ளிட்ட ஐவர் மீது நடிகர் யஷ்ஷின் தாயார் போலீசில் ...
• 
  மோகன்லால் மம்முட்டி படங்களை பயன்படுத்தியதால் 2 வருட தடை விதித்தனர் ; ...