Dinamalar

பிளாஷ்பேக் : நம்பியாரை நாயகன் ஆக்கிய 'கல்யாணி'

வில்லனாகவும், குணசித்திர நடிகராகவும் புகழ்பெற்ற நம்பியார் கதாநாயகனாக ஒரு சில படங்களில் மட்டுமே நடித்துள்ளார். 1950களில் சிறு சிறு வேடங்களில் நடித்த நம்பியார் முதன்முதலாக நாயகனாக நடித்த படம் 'கல்யாணி'. பிரபல ஹாலிவுட் படமான ஸ்னேக் பிட் (1948), என்ற படத்தை தழுவி மாடர்ன் தியேட்டர் சுந்தரம் இதனை தயாரித்தார்.

மனநலம் பாதிக்கப்பட்டவரை திருமணம் செய்து கொள்ளும் ஒரு பெண், அவர் மூலம் என்ன மாதிரியான பாதிப்புகளை சந்திக்கிறார் அவரை எப்படி குணப்படுத்துகிறார் என்பதுதான் படத்தின் கதை. இந்த ஹாலிவுட் படம், ஐந்து ஆஸ்கர் விருதுகளை பெற்றது. நாயகியாக நடித்த ஒலிவியா டி ஹேவிலாண்ட் சிறந்த நடிகைக்கான ஆஸ்கர் விருது பெற்றார்.

தமிழில் நம்பியார் மனநலம் பாதித்த கணவராகவும், விஎஸ் சரோஜா மனைவியாகவும் நடித்தனர். எஸ். தட்சிணாமூர்த்தி மற்றும் ஜி. ராமநாதன் இசை அமைத்தனர். ஆச்சார்யா படத்தை இயக்கினார். இந்த படத்தின் படப்பிடிப்பின் போதே ஆச்சாரியா இறந்துவிட்டதால் மீதி படத்தை ஒளிப்பதிவாளர் மஸ்தான் இயக்கினார். 'அத்தைந்தி காபுரம்' (மாமியார் வீட்டில் வாழ்க்கை) என்ற பெயரில் தெலுங்கில் ரீமேக் செய்யப்பட்டது இரு மொழிகளிலும் படம் போதிய வரவேற்பை பெறவில்லை.

• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்

• 
  லாயராக அதுல்யா ரவி, மீனவனாக நான் : டீசல் ரகசியம் சொல்லும் ஹரிஷ் கல்யாண்
• 
  காதல், நகைச்சுவை கதைகளில் நடிக்க ஆர்வமாக இருக்கும் ருக்மணி வசந்த்
• 
  விண்வெளியில் நான்காவது திருமணம் செய்கிறாரா ஹாலிவுட் நடிகர் டாம் குரூஸ்
• 
  அஜித் 64வது படத்தின் அறிவிப்பு எப்போது? : ஆதிக் ரவிச்சந்திரன் தகவல்
• 
  ஓடிடிக்கு வருகிறது லோகா சாப்டர் 1