Dinamalar

'எக்ஸ்க்ளுசிவ் ஒப்பந்தம்' : 'வார் 2' செய்வது சரியா ?

இந்தியத் திரையுலகத்தில் நாளை இரண்டு படங்கள் மோதிக் கொள்ள உள்ளன. ஒன்று ஹிந்தியில் உருவான 'வார் 2', மற்றொன்று தமிழில் உருவான 'கூலி'. இரண்டு படங்களுமே பெரிய பட்ஜெட் படங்கள், இரண்டு படங்களிலும் மல்டி ஸ்டார்கள் நடித்துள்ளார்கள்.

இந்தப் படங்களின் ஆந்திரா, தெலங்கானா முன்பதிவுகளும் நேற்று இரவு முதல் ஆரம்பமாகி தற்போது மொத்தமாக முன்பதிவு நடந்து வருகிறது. டிக்கெட்டை முன்பதிவு செய்யும் ஆன்லைன் இணையதளங்களில் ரசிகர்கள் ஒரு வித்தியாசத்தைப் பார்க்கலாம்.

'வார் 2' படத்திற்கான முன்பதிவு பக்கத்தில், “2டி, ஐமேக்ஸ் 2டி, 4டி எக்ஸ், டால்பி சினிமா 2டி, ஐஸ்' என விதவிதமான திரையீடு தொழில்நுட்பங்களில் இந்தப் படத்தைப் பார்க்கும் வசதிகளுடன் முன்பதிவு நடைபெறுகிறது. ஆனால், 'கூலி' படத்திற்கான முன்பதிவு பக்கத்தில், வெறும் “2டி' வடிவில் மட்டுமே படத்தைப் பார்க்கும் வசதியுடன் முன்பதிவு செய்யப்பட்டு வருகிறது.

'வார் 2' படம் '2டி' தவிர மற்ற தொழில்நுட்ப திரையீடுகளில் 'எக்ஸ்க்ளூசிவ் ஒப்பந்தம்' ஒன்றைப் போட்டுள்ளது. வேறு எந்த படத்தையும் அடுத்த இரண்டு வாரங்களுக்கு மேலே குறிப்பிட்ட மற்ற வடிவங்களில் திரையிடக் கூடாது என்பதுதான் அந்த ஒப்பந்தம்.

இது வியாபார ரீதியாக 'தனிப்பட்ட ஒப்பந்தம்' என்று சொன்னாலும் போட்டி நிறைந்த சினிமா உலகத்தில் ஒருவர் மட்டுமே 'ஏகபோகம்' ஒப்பந்தம் செய்வதை கேள்வி எழுப்பும் ஒரு ஒப்பந்தம் ஆகும்.

இதனால், 'கூலி' படத்தை '2 டி' தவிர 'ஐமேக்ஸ், 4 டிஎக்ஸ், டால்பி சினிமா' உள்ளிட்ட வடிவங்களில் ரசிகர்கள் இரண்டு வாரங்களுக்குப் பார்ப்பதைத் தடுக்கிறது. இது குறித்து தமிழ்த் திரைப்படத் துறையினர் எந்த ஒரு எதிர்ப்பையும் பதிவு செய்யாமல் இருப்பது ஆச்சரியமளிப்பதாக உள்ளது.

• 
  பிளாஷ்பேக்: 400 படங்களில் நடித்த கோவை செந்தில்
• 
  300 கோடி வசூல் சாதனை புரிந்த 'லோகா'
• 
  பிளாஷ்பேக்: முதல் நட்சத்திர ஒளிப்பதிவாளர்
• 
  நான்கு நாட்களில் 300 கோடி வசூலைக் கடந்த 'காந்தாரா சாப்டர் 1'
• 
  ஸ்பெயின் கார் பந்தயத்தில் மூன்றாமிடம்: அஜித் அணிக்கு உதயநிதி பாராட்டு

• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்