Dinamalar

'96' இரண்டாம் பாகம் : விலக முடிவெடுத்த விஜய் சேதுபதி?

பிரேம் குமார் இயக்கத்தில் கோவிந்த் வசந்தா இசையமைப்பில், விஜய் சேதுபதி, த்ரிஷா மற்றும் பலர் நடிப்பில் 2018ம் ஆண்டு வெளியாகி பெரும் வரவேற்பைப் பெற்ற படம் '96'. அப்படத்தை இயக்கி பிரேம்குமாரின் இயக்கத்தில் அடுத்து வெளிவந்த 'மெய்யழகன்' படமும் நல்ல வரவேற்பைப் பெற்றது. இதனிடையே, '96' படத்தின் இரண்டாம் பாகத்தை உருவாக்க வேலைகள் ஆரம்பமாகின.

படத்தின் கதையை விஜய் சேதுபதி, த்ரிஷா ஆகியோரிடம் சொல்லி பிரேம் சம்மதம் வாங்கிவிட்டதாகவும் சொன்னார்கள். விரைவில் இதற்கான அதிகாரப்பூர்வ அறிவிப்புகள் வரலாம் என்றும் தகவல்கள் வெளிவந்தது. ஆனால், தற்போது அதிலிருந்து விலகும் முடிவை விஜய் சேதுபதி எடுத்துள்ளதாகச் சொல்கிறார்கள்.

கதைப்படி வயதான தோற்றத்தில் நடிக்க வேண்டி இருக்கிறதாம். இனி, அப்படி நடிப்பதில்லை என முடிவெடுத்துள்ளதாக விஜய் சேதுபதி தரப்பிலிருந்து காரணம் சொல்லப்பட்டுள்ளதாம். தனக்கு பெரும் பெயரைப் பெற்றுத் தந்த படத்தின் இரண்டாம் பாகத்திலிருந்து விலகும் முடிவை விஜய் சேதுபதி எடுத்திருக்க வாய்ப்பில்லை என்றும் மறுபக்கம் சொல்கிறார்கள். ஆனாலும், வெளியில் கசிந்த தகவல் உண்மையா இல்லை பொய்யா என்பது விரைவில் தெரிந்துவிடும்.

• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்

• 
  ஸ்பெயின் கார் பந்தயத்தில் மூன்றாமிடம்: அஜித் அணிக்கு உதயநிதி பாராட்டு
• 
  ‛மா இண்டி பங்காரம்' படப்பிடிப்பு இம்மாதம் துவக்கம்: சமந்தா வெளியிட்ட ...
• 
  துணிக்கடை திறப்பு விழாவில் கூட்ட நெரிசலில் சிக்கிக்கொண்ட பிரியங்கா ...
• 
  10க்கு 9 எப்பவுமே லேட் தான் ; இண்டிகோ விமான சேவை மீது மாளவிகா மோகனன் ...
• 
  வதந்திகளில் கவனம் செலுத்தவில்லை: காஜல் அகர்வால்