Dinamalar

ஒரே நேரத்தில் ஹிந்தி, மலையாளத்தில் தயாராகும் 'திரிஷ்யம் 3' ; துவங்கும் தேதி ரிலீஸ் தேதி இரண்டும் ஒன்றே

இயக்குனர் ஜீத்து ஜோசப் இயக்கத்தில் மோகன்லால் நடிப்பில் கடந்த 2013ல் மலையாளத்தில் வெளியான 'திரிஷ்யம்' திரைப்படம் மிகப்பெரிய வெற்றியை பெற்றது. இதனைத் தொடர்ந்து 2021ல் இதன் இரண்டாம் பாகம் நேரடியாக ஓடிடியில் வெளியாகி முதல் பாகத்திற்கு இணையான வரவேற்பையும் வெற்றியை பெற்றது. அடுத்து மூன்றாம் பாகத்திற்கு வாய்ப்பு இருக்கிறது என்று சொல்லப்பட்டு வந்த நிலையில் கடந்த சில மாதங்களுக்கு முன்பு இயக்குனர் ஜீத்து ஜோசப் அதை உறுதிப்படுத்தினார். அதேபோல முதல் இரண்டு பாகங்கள் தெலுங்கு, கன்னடம், ஹிந்தி ஆகிய மொழிகளிலும் ரீமேக் செய்யப்பட்டன.

குறிப்பாக இந்த மூன்றாம் பாகத்தை உருவாக்குவதில் ஹிந்தி படக்குழுவினர் மிகுந்த ஆர்வம் காட்டி வருகிறார். அஜய் தேவ்கன், ஸ்ரேயா நடிப்பில் திரிஷ்யம் முதல் பாகத்தை மறைந்த நிஷிகாந்த் காமத் இயக்கினார். அதன் இரண்டாம் பாகத்தை அபிஷேக் பதக் இயக்கியிருந்தார். இந்த மூன்றாம் பாகத்தையும் அவர்தான் இயக்கப் போகிறார்.

இந்த நிலையில் வரும் அக்டோபர் மாதம் திரிஷ்யம் 3ம் பாகத்தின் படப்பிடிப்பு துவங்க இருக்கிறது என்பதை ஒரு வீடியோ மூலமாக அறிவித்துள்ளார் மோகன்லால். அதேபோல அஜய் தேவ்கன் படக்குழுவினர் இன்னும் கொஞ்சம் டீடைலாக வரும் அக்.,2 காந்தி ஜெயந்தி அன்று படப்பிடிப்பு துவங்கும் என்றும் 2026 இதே அக்.,2 காந்தி ஜெயந்தி அன்று படம் ரிலீஸ் ஆகும் என்றும் அறிவித்துள்ளனர். அதனால் மோகன்லால் நடிக்கும் திரிஷ்யம் 3 படம் கூட இதே தேதியில் தான் வெளியாகும் என எதிர்பார்க்கலாம்.

• செய்திகள்
• வந்த படங்கள்

• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்
• 
  காதலில் கரைபவர் வெகு சிலரே : தனுஷின் ‛தேரே இஷ்க் மே' டீசர் வெளியீடு
• 
  அக்டோபர் 9ம் தேதி ஓடிடியில் வெளியாகும் வார்-2!
• 
  பாலிவுட்டில் அறிமுகமாகும் மீனாட்சி சவுத்ரி
• 
  ஹிந்தி பிக்பாஸ் சீசன் 19 நிகழ்ச்சியின் மீது 2 கோடி நஷ்ட ஈடு கேட்டு வழக்கு

• 
  ஒரு நாளைக்கு நான்கு மணி நேரம் மட்டுமே தூங்கும் அஜித்குமார்!
• 
  ராம்சரண் ஒரு உண்மையான ஜென்டில்மேன் என்கிறார் ஜான்வி கபூர்!
• 
  இட்லிகடை படத்தின் முதல் நாள் வசூல்? 100 கோடியை அள்ளுமா?
• 
  விஜயை கைது செய்யணுமா? நடிகர் பார்த்திபன் பதில் இதுதான்
• 
  டிச.,5ல் ரிலீசாகும் பாலகிருஷ்ணாவின் 'அகண்டா 2: தாண்டவம்'