Dinamalar

துருவ நட்சத்திரம் படத்திற்கு யாரும் உதவவில்லை: கவுதம் மேனன் வருத்தம்

விஷால் நடிப்பில் சுந்தர் சி இயக்கிய 'மத கஜ ராஜா' படம் 12 ஆண்டுகளாக கிடப்பில் இருந்த நிலையில், பிரச்னைகள் எல்லாம் முடிந்து நேற்று (ஜன.,12) வெளியானது. படத்திற்கு ரசிகர்கள் நல்ல வரவேற்பு அளித்த நிலையில், இதேபோல், தமிழ் சினிமாவில் பல ஆண்டுகளாக முடங்கி கிடக்கும் பல படங்களும் வெளிவர வேண்டும் என ரசிகர்கள் எதிர்பார்த்துள்ளனர்.

அதில் முக்கியமாக, நடிகர் விக்ரம் நடிப்பில் கவுதம் வாசுதேவ் மேனன் இயக்கியுள்ள 'துருவ நட்சத்திரம்' படத்திற்கு அதிக எதிர்பார்ப்பு எழுந்துள்ளது. 2016ம் ஆண்டு துவங்கப்பட்ட இதன் படப்பிடிப்பு, நிதி பிரச்னை உள்ளிட்ட காரணங்களுக்காக பலமுறை தடைப்பட்டது. இருந்தாலும், தடைகளை தாண்டி, படப்பிடிப்பையும் நடத்தி முடித்தார் கவுதம் வாசுதேவ் மேனன். இதன் ரிலீஸ் தேதிகளை பலமுறை அறிவித்து பின்னர் வெளியிட முடியாமல் ஒத்திவைத்தனர். இதனால் ரசிகர்கள் ஏமாற்றம் அடைந்தனர்.

இதற்கிடையே மலையாளத்தில் நடிகர் மம்முட்டி தயாரித்து நடித்துள்ள 'டொமினிக் அண்ட் தி லேடிஸ் பர்ஸ்' என்ற திரைப்படத்தை கவுதம் வாசுதேவ் மேனன் இயக்கியுள்ளார். இப்படத்தின் புரோமோஷன் நிகழ்ச்சியில் துருவ நட்சத்திரம் படம் பற்றி கேள்வி எழுப்பினர். அதற்கு பதிலளித்த கவுதம் வாசுதேவ் மேனன், ''துருவ நட்சத்திரம் திரைப்படம் வெளியாக சூழ்நிலையில் இருக்கும் போது யாரும் எனக்கு உதவவில்லை. யாரும் அதைப்பற்றி கண்டுக்கொள்ளவில்லை. ஒரு திரைப்படம் வெற்றிப்பெற்றால் அதை ஓ அப்படியா என கேட்பார்கள். அதற்கு யாரும் சந்தோஷம் அடைய மாட்டார்கள். தயாரிப்பாளர் தாணு, இயக்குனர் லிங்குசாமி ஆகிய இருவர் மட்டுமே எனக்கு கால் செய்து பேசினர். இப்படத்திற்கு ரசிகர்கள் மத்தியில் இருக்கும் எதிர்ப்பார்ப்பு மற்றும் அவர்கள் காட்டும் அன்பு மட்டுமே என்னை தொடர்ந்து இயங்க வைத்துக் கொண்டு இருக்கிறது,'' எனக் கூறியுள்ளார்.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  கஞ்சா வழக்கு : சிம்பு பட தயாரிப்பாளர் கைது
• 
  ராஜமவுலியின் கடவுள் மறுப்புப் பேச்சு : அதிகரிக்கும் சர்ச்சை
• 
  கதை என்னவென்று தெரியாமல் தான் எம்புரான் பட சென்சார் பிரச்னையில் ...
• 
  மகேஷ்பாபு, ரவீனா டாண்டன் குடும்ப வாரிசுகள் அறிமுகமாகும் படத்தில் இணைந்த ...
• 
  வெப் தொடரான ராஜேஷ்குமார் நாவல்