Dinamalar

புஷ்பா 2 படத்தில் அல்லு அர்ஜுன் பாடிய பாடல் யு-டியூப்பில் இருந்து நீக்கம்

புஷ்பா 2 திரைப்படம் வெளியான பிறகு அதற்கு கிடைத்த அபரிமிதான வெற்றியும் வசூலும் ஒரு பக்கம் என்றால் படம் வெளியான நாளிலிருந்து அதனை சுற்றி சுழன்றடிக்கும் சர்ச்சைகளும் இன்னொரு பக்கம் தொடரவே செய்கின்றன. புஷ்பா 2 படம் பார்க்க வந்த ஒரு பெண் கூட்ட நெரிசலில் சிக்கி பலியானார். அதன் பிறகு நடிகர் அல்லு அர்ஜுன் கைது செய்யப்பட்டு ஜாமீனில் விடுதலையானார். அதன் பிறகு இந்த படத்தில் காவல்துறை அதிகாரிகளை தவறாக சித்தரிப்பது போன்று காட்சி இடம் பெற்றுள்ளது என்று ஒரு வழக்கு பதிவானது. இன்னொரு பக்கம் இந்த படத்தில் வில்லனாக நடித்த பஹத் பாசிலின் கதாபாத்திர பெயர் பன்வார் சிங் ஷெகாவத் என இருப்பதால் ஷெகாவத் சமூகத்தை சேர்ந்தவர்கள் ஒரு பக்கம் போர்க்கொடி தூக்கினார்கள்.

இந்த நிலையில் இந்த படத்தில் அல்லு அர்ஜுன் பாடிய தம்முண்டு பட்டுக்கோரா சிகாவத்து என்கிற பாடல் யு-டியூப்பில் கிறிஸ்துமஸ் தினத்தன்று வெளியானது. ஆனால் இதற்கு எழுந்த எதிர்ப்பு காரணமாக தற்போது இந்த பாடலை யு-டியூப்பில் இருந்து நீக்கியுள்ளது இந்த பாடலை வெளியிட்டுள்ள டி சீரிஸ் நிறுவனம். ஷெகாவத் சமூகத்தைச் சேர்ந்தவர்கள் எதிர்ப்பு ஒருபுறம் தற்போது இளம் பெண் மரணம் காரணமாக அல்லு அர்ஜுன் சந்தித்து வரும் எதிர்ப்பு இன்னொரு பக்கம் என இந்த பாடல் தூக்கப்படுவதற்கு காரணமாக அமைந்து விட்டது.

• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது

• 
  ‛ஸ்பிரிட்' படத்தை துவங்கி வைத்த சிரஞ்சீவி!
• 
  அம்மாவை அவமானப்படுத்தியதால் பென்ஸ் கார் வாங்கிய மிருணாள் தாக்கூர்!
• 
  பிரதீப் ரங்கநாதனின் ‛எல்ஐகே' படத்தின் செகண்ட் சிங்கிள் எப்போது?
• 
  ஜூனியர் என்டிஆரை வைத்து பான் இந்திய படம் இயக்கும் ரிஷப் ஷெட்டி!
• 
  10 கிலோ வெயிட் குறைத்தது எப்படி? கீர்த்தி சுரேஷ் வெளியிட்ட தகவல்