Dinamalar

வணங்கான் டிரைலர் பார்த்து முகம் மாறிய சூர்யா

'சேது' படம் மூலம் வெற்றிகரமான இயக்குனராக அறிமுகமாகிய இயக்குனர் பாலா, திரையுலகில் நுழைந்து 25 வருடங்கள் ஆகிவிட்டது. இதை நேற்று தயாரிப்பாளர் சுரேஷ் காமாட்சி ஒரு விழாவாக எடுத்துக் கொண்டாடினார். இது பாலாவின் 25வது வருட கொண்டாட்ட விழாவாகவும் அவர் தற்போது இயக்கி விரைவில் வெளியாகவுள்ள வணங்கான் படத்தின் இசை வெளியீட்டு விழாவாகவும் சேர்ந்து நடைபெற்றது. இந்த நிகழ்வில் பல்வேறு இயக்குனர்கள், நட்சத்திரங்கள் வருகை தந்து கலந்து கொண்டார்கள் என்றாலும் அதிகமாக எதிர்பார்க்கப்பட்டது நடிகர்கள் சூர்யாவும் விக்ரமும் வருவார்களா என்பது தான்.

காரணம் பாலாவின் மூலம் திரையுலகில் திருப்புமுனை பெற்ற இவர்கள் இருவரும் தற்போது பாலாவுடன் மனக்கசப்பு ஏற்பட்டு அவரிடம் இருந்து பிரிந்து நிற்கின்றனர். குறிப்பாக விக்ரம் மகனை வைத்து பாலா இயக்கிய 'வர்மா' படத்தின் மூலம் அவர்கள் இருவருக்கும் கருத்து வேறுபாடு ஏற்பட்டது. அதேபோல சூர்யா தானே தயாரித்து பாலா இயக்கத்தில் நடித்த 'வணங்கான்' திரைப்படத்திலும் ஏற்பட்ட கருத்து வேறுபாடு காரணமாக அந்த படத்தில் இருந்து விலகினார். தற்போது அதற்கு பதிலாக அருண் விஜய் அந்த படத்தில் நடித்துள்ளார். இப்படிப்பட்ட சூழலில் இந்த விழாவில் யாரும் எதிர்பாராத விதமாக நடிகர் சூர்யா தனது தந்தை சிவகுமாருடன் சேர்ந்து வந்து கலந்து கொண்டார்; ஆனால் விக்ரம் வரவில்லை.

இந்த நிகழ்வில் வணங்கான் படத்தின் டிரைலர் திரையிடப்பட்டது. படத்தின் டிரைலர் நன்றாக இருப்பதாக பார்த்த அனைவருமே கூறி வருகிறார்கள். அப்படி டிரைலர் திரையிடப்பட்ட போது அதை பார்த்த சூர்யாவின் முக பாவனைகளை ஸ்கிரீனில் அடிக்கடி காட்டினார்கள். அப்போது சூர்யாவின் முகம் கொஞ்சம் இறுக்கமாக இருந்ததை பார்க்க முடிந்தது. இந்த படத்தின் கதையோ காட்சிகளையோ பெரிய அளவில் தெரியாமல் தான் அந்த படத்தில் பாலா சொல்வதை மட்டுமே கேட்டு சில நாட்கள் நடித்து வந்தார் சூர்யா. அதன்பிறகு முழு ஸ்கிரிப்ட் தெரியாமல் நடிக்க முடியாது என்று கூறித்தான் அவர் விலகியதாகவும் சொல்லப்படுகிறது. இந்த நிலையில் இந்த டிரைலரை பார்க்கும்போதே படமும் நன்றாக வந்திருக்கும் என்பது போல சூர்யா உணர்ந்ததால் தான் அவரது முகம் மாறியது என்றும் சிலர் சொல்கிறார்கள்.

• இவரை பற்றி
• செய்திகள்
• ஆல்பம்
• வீடியோ
• வந்த படங்கள்

• செய்திகள்
• ஆல்பம்
• வரவிருக்கும் படங்கள்

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  வரி ஏய்ப்பு : நாகார்ஜுனா, வெங்கடேஷ் குடும்ப ஸ்டுடியோக்களுக்கு நோட்டீஸ்
• 
  ஜனநாயகன் - தெலுங்கு வியாபாரம் முடிவு
• 
  தெலுங்கில் ரீரிலீசாகும் 'பையா' : மீண்டும் பார்க்க கார்த்தி ஆர்வம்
• 
  யு டியுப் சேனல்கள், சமூக வலைத்தளங்கள் இளையராஜா புகைப்படங்களை பயன்படுத்த ...
• 
  கஞ்சா வழக்கு : சிம்பு பட தயாரிப்பாளர் கைது