Dinamalar

'இந்தியன்-3' தியேட்டரில் தான் வெளியாகும்: உறுதிப்படுத்திய ஷங்கர்

ஷங்கர் இயக்கத்தில், கமல்ஹாசன், சித்தார்த், பிரியா பவானி சங்கர் மற்றும் பலர் நடிப்பில் வெளியான படம் 'இந்தியன் 2'. இந்தப் படத்திற்கு எதிர்பார்த்ததை விடவும் மிகக் குறைவான வரவேற்பே கிடைத்தது. 500 கோடிக்கும் அதிகமான வசூல் சாதனையைப் புரியும் என்று எதிர்பார்க்கப்பட்ட படத்தின் வசூலும், வரவேற்பும் குறைந்தது திரையுலகினருக்கும் அதிர்ச்சியை அளித்தது.

'இந்தியன் 2' படம் உருவாகும் போதே 'இந்தியன் 3' படத்திற்கான படப்பிடிப்பையும் முடித்துவிட்டதாகத் தகவல் வெளியானது. இரண்டாம் பாகத்தை விடவும் மூன்றாம் பாகம் மிகவும் சிறப்பாக இருக்கும் என 'இந்தியன் 2' வெளியீட்டிற்கு முன்பே கமல்ஹாசன் பேசியிருந்தார். 2ம் பாகத்திற்கு ஏராளமான நெகட்டிவ் விமர்சனம் வந்த நிலையில் 'இந்தியன் 3' படத்தை ஓடிடியில் நேரடியாக வெளியிடும் முடிவை எடுத்துள்ளதாகவும் தகவல் பரவியது.

அதேபோல், 'இந்தியன் 3'ல் ஏற்கனவே படம்பிடிக்கப்பட்ட காட்சிகளில் சிலவற்றை மாற்றம் செய்ய ஷங்கர் திட்டமிட்டுள்ளதாகவும், இதற்காக நடிகர் கமல்ஹாசனிடம் பேச்சுவார்த்தையில் ஈடுபட்டு வருவதாகவும் செய்தி வெளியானது. இந்த நிலையில் நேர்காணலில் ஒன்றில் இயக்குனர் ஷங்கர் கூறுகையில், ''இந்தியன் - 2 படத்திற்குக் கிடைத்த எதிர்மறையான விமர்சனங்கள் அதிர்ச்சியளித்தன. அதைக் கருத்தில்கொண்டு இந்தியன் - 3 படத்தை சரிசெய்வேன். மூன்றாவது பாகம் தியேட்டர்களில்தான் வெளியாகும்'', எனத் தெரிவித்துள்ளார்.

• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்
• 
  காரில் வெடிகுண்டு வைத்து தகர்ப்போம்! சல்மான்கானுக்கு மீண்டும் கொலை ...
• 
  சர்ச்சைக்குரிய காட்சிகளை நீக்க தணிக்கை வாரியம் உத்தரவு: ‛பூலே' ...
• 
  புதிய காதலியுடன் விழாவில் ஆமீர்கான்
• 
  'ரெய்டு-2' படத்தில் தமன்னாவின் 'நாஷா' கிளாமர் பாடல் வெளியீடு!

• 
  'கேங்கர்ஸ்' படத்துக்கு வரும் புது சிக்கல்
• 
  பிளாஷ்பேக் : ஒரே வருடத்தில் 18 படங்களில் நடித்த விஜயகாந்த்
• 
  பிளாஷ்பேக் : மூன்று வேடங்களில் நடித்த ஹோன்னப்ப பாகவதர்
• 
  அஜித்தின் அடுத்த படம்: சஸ்பென்ஸாக இருக்கும் நிறுவனம்
• 
  அஜித்தின் 'டாப் வசூல்' படமாக மாறுமா 'குட் பேட் அக்லி'