Dinamalar

'குபேரா' டீசரில் அசத்திய தேவி ஸ்ரீ பிரசாத்

தெலுங்கில் முன்னணி இசையமைப்பாளர்களில் ஒருவராக இருப்பவர் தேவி ஸ்ரீ பிரசாத். சென்னையில் மட்டுமே தனது பெரும்பாலான தெலுங்குப் படங்களுக்கும் இசையமைக்கும் வேலைகளைப் பார்க்கும் தேவி ஸ்ரீ, அவ்வப்போது தமிழ்ப் படங்களுக்கும் இசையமைப்பார்.

நேற்று முன்தினம் வெளியான 'கங்குவா' படத்தில் தேவி ஸ்ரீயின் பின்னணி இசை குறித்து கடும் விமர்சனங்கள் எழுந்தது. அதிக இரைச்சலுடன் அவர் இசையமைத்துள்ளதாக பலரும் விமர்சித்திருந்தனர். இந்நிலையில் நேற்று மாலையில் இருந்து படத்தின் ஒலி அளவை தியேட்டர்களில் '2 பாயின்ட்' குறைக்கச் சொல்லியிருப்பதாக படத்தின் தயாரிப்பாளர் ஞானவேல்ராஜா நேற்று தெரிவித்திருந்தார்.

அதே சமயம் நேற்று தேவி ஸ்ரீ பிரசாத் இசையமைப்பில், சேகர் கம்முலா இயக்கத்தில், தனுஷ், நாகார்ஜுனா, ராஷ்மிகா மந்தனா மற்றும் பலர் நடிக்கும் 'குபேரா' படத்தின் டீசர் வெளியானது. ஒரு மாறுபட்ட படமாக இருக்கும் என்பதை டீசரைப் பார்க்கும் போதே தெரிகிறது. அதற்கேற்ற விதத்தில் சிறப்பான பின்னணி இசையை டீசருக்குக் கொடுத்திருக்கிறார் தேவி ஸ்ரீ பிரசாத் என ரசிகர்கள் பாராட்டி வருகிறார்கள்.

'கங்குவா' படம் வெளியாகி அவரைப் பற்றிய விமர்சனங்கள் வந்த மறுநாளே தன்னைப் பற்றிய விமர்சனங்களுக்கு 'குபேரா' டீசர் மூலம் பதில் கொடுத்திருக்கிறார் தேவி ஸ்ரீ பிரசாத்.

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  டீசலுக்காக படகு ஓட்டவும் மீன்பிடிக்கவும் பயிற்சி எடுத்த ஹரிஷ் கல்யாண்
• 
  பெண்கள் அரசியல் கூட்டங்களுக்கு செல்லக்கூடாது: அம்பிகா அட்வைஸ்
• 
  நயன்தாரா வீட்டுக்கு வெடிகுண்டு மிரட்டல்
• 
  பிளாஷ்பேக்: மம்பட்டியான் பாணியில் உருவான 'கரிமேடு கருவாயன்'
• 
  பிளாஷ்பேக்: தமிழ், பெங்காலியில் உருவான படம்