Dinamalar

அடுத்த அதிரடிக்கு தயாராகும் லப்பர் பந்து நாயகி

தமிழில் எப்போதாவது சின்ன பட்ஜெட் படங்கள் எதிர்பாராத விதமாக வெற்றியை பெறுவதுண்டு. அதே சமயம் அந்த படத்தின் வெற்றி அதில் பங்கு பெற்ற, பல காலமாக ஒரு நல்ல வெற்றிக்காக காத்திருந்த பல கலைஞர்களுக்கு மறுவாழ்வையும் கொடுப்பதுண்டு. அப்படித்தான் கடந்த இரண்டு மாதங்களுக்கு முன்பு அட்டகத்தி தினேஷ், ஹரிஷ் கல்யாண் இருவரும் இணைந்து நடித்த லப்பர் பந்து என்கிற திரைப்படம் வெளியானது. தமிழரசன் பச்சமுத்து என்பவர் இயக்கிய இந்த படத்தில் கதாநாயகியாக மலையாள நடிகை சுவாசிகா நடித்திருந்தார். அவரது மகளாக இன்னொரு கதாநாயகியாக 'வதந்தி' வெப் தொடரில் வெலோனி பாத்திரத்தில் நடித்த சஞ்சனா நடித்திருந்தார்.

ஆனாலும் அட்டகத்தி தினேஷின் மனைவியாக நடித்திருந்த சுவாசிகாவின் நடிப்பு ரசிகர்களை மிகவும் கவர்ந்தது. குறிப்பாக படம் பார்த்த அனைவருமே சுவாசிகாவின் நடிப்பை பாராட்டினார்கள். கடந்து பத்து வருடங்களுக்கு முன்பு தமிழில் சின்ன சின்ன படங்களில் நடித்து கவனம் பெறாமலேயே மலையாளத் திரையுலகை நோக்கி நகர்ந்த சுவாசிகாவுக்கு தமிழில் இது ஒரு நல்ல ரீ என்ட்ரி ஆக அமைந்து விட்டது.

இந்த நிலையில் மலையாளத்தில் உருவாகியுள்ள 'ஒரு அன்வேசத்தின்டே தொடக்கம்' என்கிற புலனாய்வு திரில்லர் படத்தில் அதிரடி போலீஸ் அதிகாரியாக முக்கிய கதாபாத்திரத்தில் நடித்துள்ளார் சுவாசிகா. படத்தின் டிரைலரை பார்க்கும்போது இவருக்கு இந்த படமும் ஒரு முக்கிய மைலேஜ் கொடுக்கும் என தெரிகிறது. அனேகமாக இனிவரும் நாட்களில் நடிகை சுவாசிகா வெற்றிகரமாக ஒரு ரவுண்டு வருவார் என எதிர்பார்க்கலாம்.

• செய்திகள்
• ஆல்பம்
• வந்த படங்கள்
• வரவிருக்கும் படங்கள்

• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்

• 
  ஸ்பெயின் கார் பந்தயத்தில் மூன்றாமிடம்: அஜித் அணிக்கு உதயநிதி பாராட்டு
• 
  ‛மா இண்டி பங்காரம்' படப்பிடிப்பு இம்மாதம் துவக்கம்: சமந்தா வெளியிட்ட ...
• 
  துணிக்கடை திறப்பு விழாவில் கூட்ட நெரிசலில் சிக்கிக்கொண்ட பிரியங்கா ...
• 
  10க்கு 9 எப்பவுமே லேட் தான் ; இண்டிகோ விமான சேவை மீது மாளவிகா மோகனன் ...
• 
  வதந்திகளில் கவனம் செலுத்தவில்லை: காஜல் அகர்வால்