Dinamalar

இசை அமைப்பாளர் தேவா மகள் மீது வீட்டில் குடியிருக்கும் பெண் குற்றச்சாட்டு

பிரபல பின்னணி இசை அமைப்பாளர் தேவாவின் மகன் ஸ்ரீகாந்த் தேவா, தந்தையை போலவே இசையமைப்பாளராக இருக்கிறார். தேவாவின் மகள் ஜெயப்பிரதா. இவருக்கு வடபழனியில் சொந்தமாக ஒரு வீடு உள்ளது. அங்கே தீபிகா என்பவர் தனது கணவர் ஜெயக்குமாருடன் கடந்த சில வருடங்களாக வசித்து வருகிறார். இவர்கள் சொந்தமாக ஹார்டுவேர்ஸ் கடை நடத்தி வருகின்றனர்.

சில மாதங்களுக்கு முன்பு மூன்று மாதங்களாக தீபிகா வாடகை பாக்கி வரவில்லை என்று வடபழனி காவல் நிலையத்தில் ஜெயப்பிரதா புகார் செய்திருந்தாராம். அப்போது தனக்கு ஹார்டுவேர்ஸ் கடையில் ஏற்பட்ட நஷ்டம் காரணமாக சரியான நேரத்திற்கு வாடகை கொடுக்க முடியவில்லை என்றும், இனி சரியாக கொடுத்து விடுகிறேன் என்றும் தீபிகா சொன்னதாக கூறப்படுகிறது.

ஆனாலும் சொன்னபடி அவரால் வாடகை கொடுக்க முடியாததால் சில நாட்களுக்கு முன்பு தீபிகாவின் வீட்டிற்கு ஏழு நபர்களை அனுப்பி அவரையும் அவர் கணவரையும் ஜெயப்பிரதா மிரட்டியதாக தற்போது குற்றம் சாட்டியுள்ளார் தீபிகா. இது குறித்து அவர் அழுது கொண்டே வெளியிட்டுள்ள ஒரு வீடியோவில் மேற்கூறிய அனைத்து தகவல்களையும் கூறி ஏழு பேர் கத்தியுடன் வந்து தங்களை மிரட்டியதாகவும் பொருட்களை சேதப்படுத்தியதாகவும் கூறியதுடன் எனக்கோ என் கணவருக்கோ ஏதேனும் அசம்பாவிதம் நடந்தால் அதற்கு ஜெயப்பிரதா தான் முழு பொறுப்பு என்றும் கூறியுள்ளார்.

மேலும் அப்படிப்பட்ட நபர்கள் வந்து சென்ற சமயத்தில் அவசர போலீஸ் உதவியை தான் நாடியதாக கூறியுள்ள தீபிகா, தற்போது இது குறித்து காவல் துறையில் எழுத்துப்பூர்வமான புகார் அளிக்க மறுத்துவிட்டார். அதேசமயம் போலீசார் இவர் வெளியிட்டுள்ள வீடியோவின் அடிப்படையில் தங்களது விசாரணையை துவங்கி உள்ளனர்.

• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்
• 
  காரில் வெடிகுண்டு வைத்து தகர்ப்போம்! சல்மான்கானுக்கு மீண்டும் கொலை ...

• 
  இந்த ஆண்டில் திரிஷா நடிப்பில் ஆறு படங்கள் ரிலீஸ்
• 
  பேட்ட படத்திற்கு பிறகு ரெட்ரோ படம் தான் : கார்த்திக் சுப்பராஜ்
• 
  சுந்தர்.சி இயக்கத்தில் கார்த்தி உறுதி
• 
  முதல் முறையாக ஜோடி சேரும் துல்கர் சல்மான், பூஜா ஹெக்டே
• 
  அஜித் வைத்த நம்பிக்கை குறித்து நெகிழ்ந்த அர்ஜுன் தாஸ்