Dinamalar

இந்த வார ரிலீஸ், யாருக்கு வரவேற்பு?

'தி கோட்' படம் வெளியானதன் பின் இந்த வாரத்தில் சுமார் 8 படங்கள் வரை வெளியாக உள்ளதாக அறிவிக்கப்பட்டுள்ளது. “தோனிமா, கடைசி உலகப் போர், லப்பர் பந்து, நந்தன், சட்டம் என் கையில், கோழிப்பண்ணை செல்லதுரை, தோழர் சேகுவேரா, தி கன்பெஷன்” ஆகிய 8 படங்கள் வெளியாக உள்ளன. இவற்றில் சில படங்களுக்கு மட்டுமே வெளியீட்டிற்கு முன்பான சில நிகழ்ச்சிகள் நடைபெற்றன.

யு டியூப் பக்கம் போனால் 'நந்தன்' படத்தின் நாயகன் சசிகுமார் பேட்டிகள் மட்டுமே அதிக அளவில் தென்படுகிறது. மற்ற படங்களுக்கான பேட்டிகளும், புரமோஷன்களும் மிகவும் குறைவாகவே உள்ளது. ஹிப் ஹாப் தமிழா ஆதி நாயகனாக நடிக்கும் படம் 'கடைசி உலகப் போர்', ஹரிஷ் கல்யாண், அட்டகத்தி தினேஷ் இணைந்து நடிக்கும் படம் 'லப்பர் பந்து', சீனு ராமசாமி இயக்கத்தில் ஏகன் நாயகனாக நடிக்கும் படம் 'கோழிப்பண்ணை செல்லதுரை', சதீஷ் கதாநாயகனாக நடிக்கும் படம் 'சட்டம் என் கையில்', சத்யராஜ் கதாநாயகனாக நடிக்கும் 'தோழர் சேகுவேரா' ஆகிய ஆறு படங்களுக்கு இடையில்தான் போட்டி.

கடந்த வாரத்தில்தான் மக்கள் குடும்பம் குடும்பமாக வந்து 'தி கோட்' படத்தைப் பார்த்து அதை தமிழகத்தில் 200 கோடி வசூலுக்குக் கொண்டு வந்தனர். மீண்டும் அவர்கள் குடும்பத்துடன் வந்து இந்த வாரம் வெளியாக உள்ள சிறிய படங்களைப் பார்ப்பார்களா என்பது சந்தேகம்தான். படம் வெளியான பின் எந்தப் படத்திற்கு நல்ல விமர்சனமும், கமெண்ட்டுகளும் வருகிறதோ அதற்கு மட்டுமே செல்வார்கள் என்றுதான் எதிர்பார்க்க முடியும்.

• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது

• 
  ஹரிஷ் கல்யாண் நடிக்கும் 'தாஷமக்கான்'
• 
  மணிரத்னம் படத்தில் நடிக்க மறுத்தாரா சாய் பல்லவி?
• 
  நெட்பிளிக்ஸ் முடிவு : அதிர்ச்சியில் தென்னிந்திய திரையுலகம்
• 
  விமலின் மகாசேனா படம் டிசம்பர் 12ல் திரைக்கு வருகிறது
• 
  பராசக்தி பட டப்பிங்கில் அதர்வா