Dinamalar

'தி கோட்' படத்தில் ரீமிக்ஸ் ஆக இடம் பெறும் இளையராஜா பாடல்

வெங்கட் பிரபு இயக்கத்தில், யுவன் ஷங்கர் ராஜா இசையமைப்பில், விஜய் கதாநாயகனாக நடிக்கும் 'தி கோட்' படம் செப்டம்பர் 5ம் தேதி வெளியாக உள்ளது. இப்படத்திற்குத் தனியாக இசை வெளியீட்டு விழா எதையும் நடத்தவில்லை. அரசியல் கட்சி ஆரம்பித்ததால் அதை விஜய் தவிர்த்தாரா அல்லது வேறு ஏதும் அரசியல் காரணங்களா என்பது தெரியவில்லை. நேரடியாக தனது கட்சி மாநாட்டில் பேசுவோம் என்று விட்டுவிட்டாரா என்று கூட யோசிக்கலாம்.

இப்படத்திற்காக இதுவரையில் நான்கு சிங்கிள்கள் வெளியாகி உள்ளது. “விசில் போடு, சின்னச் சின்ன கண்கள், ஸ்பார்க், மட்ட” ஆகிய நான்கு சிங்கிள் பாடல்களை வெளியிட்டார்கள். இவை தவிர படத்தில் ஐந்தாவதாக இளையராஜாவின் பாடல் ஒன்றை ரீமிக்ஸ் செய்து படத்தில் வைத்துள்ளோம் என படத்தின் இயக்குனர் வெங்கட் பிரபு தெரிவித்துள்ளார். அது படத்தில் சரியானதொரு இடத்தில் இடம் பெறுகிறது என்றும் கூறியிருக்கிறார்.

இதற்கு முன்பு தனது அப்பா இளையராஜாவின் சில சூப்பர் ஹிட் பாடல்களை தனது படங்களில் ரீமிக்ஸ் செய்துள்ளார் யுவன். 'குறும்பு' படத்தில் 'ஆசை நூறு வகை' பாடல், 'வல்லவன்' படத்தில் 'காதல் வந்துருச்சி' பாடல், 'சிலம்பாட்டம்' படத்தில் 'வச்சிக்கவா உன்ன மட்டும் நெஞ்சுக்குள்ள' பாடல், 'டிக்கிலோனா' படத்தில் 'பேரு வச்சாலும் வைக்காம' பாடல், 'காபி வித் காதல்' படத்தில் 'ரம் பம் பம், ஆரம்பம்' பாடல் ஆகியவற்றை யுவன் ரீமிக்ஸ் செய்துள்ளார்.

தமிழ் சினிமாவில் முதன் முதலில் இந்த ரீமிக்ஸ் கலாச்சாரத்தை ஆரம்பித்து வைத்ததே யுவன்தான். 2003ல் வெளிவந்த 'குறும்பு' படத்தில்தான் அதை ஆரம்பித்து வைத்தார் யுவன். அஜித் நடித்த 'பில்லா, ஆரம்பம்' உள்ளிட்ட படங்களை இயக்கிய விஷ்ணுவர்தன் அப்படத்தில்தான் இயக்குனராக அறிமுகமானார்.

தற்போது 'தி கோட்' படத்தில் யுவன் ரீமிக்ஸ் செய்துள்ள பாடல் என்னவாக இருக்கும் என்பதை பட வெளியீட்டிற்கு முன்பு சொல்வார்களா ?.

• 
  அட்லி இயக்கும் விளம்பரத்தில் நடிக்கும் ரன்வீர் சிங், ஸ்ரீ லீலா
• 
  ‛பரியேறும் பெருமாள்' ஹிந்தி ரீ மேக்கான ‛தடக் 2' டிரைலர் வெளியீடு, ஆக., 1ல் ...
• 
  குரு பூர்ணிமாவில் அமிதாப் பச்சன் சிலையை வைத்து வழிபாடு
• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...
• 
  பூட்டிய வீட்டில் இறந்து கிடந்த பாக்., நடிகை; 9 மாதங்களுக்கு பிறகே ...

• 
  அல்லு அர்ஜுன் - அட்லி படத்தில் நெகட்டிவ் ரோலில் ராஷ்மிகா மந்தனா?
• 
  மீண்டும் காப்பி சர்ச்சையில் சிக்கிய அனிருத்!
• 
  வேள்பாரி நாவல்: ஷங்கருக்கு எதிராக வெளியான ட்ரோல்கள்!
• 
  விஜய் சேதுபதி படத்தில் வில்லி வேடத்தில் தபு!
• 
  ஐபிஎல் போட்டி நேரத்திற்கு இணையாக ‛பாகுபலி தி எபிக்' ரன்னிங் டைம்