Dinamalar

அக்டோபர் முதல் விஜய் 69 படப்பிடிப்பு?

விஜய்யின் 68வது படமான 'தி கோட்' அடுத்த மாதம் செப்டம்பர் 5ம் தேதி வெளியாக உள்ளது. தான் நடிக்கும் ஒரு படத்தை முடித்த பின் அடுத்த சில வாரங்களில் தனது அடுத்த படத்தின் படப்பிடிப்பை ஆரம்பித்து விடுவார் விஜய். அவரது அடுத்த மற்றும் கடைசி படமான விஜய் 69 படம் பற்றி இதுவரை எந்த ஒரு அதிகாரப்பூர்வ அறிவிப்பும் வெளியாகவில்லை.

ஆனால், படத்தைத் தயாரிக்கப் போவது இவர்கள்தான் என சில கம்பெனிகளின் பெயர்கள் வெளிவந்துள்ளன. எச்.வினோத் இப்படத்தை இயக்கப் போவது உறுதி என்று மட்டும் தகவல் வெளியானது. 'பிரேமலு' பட நாயகி மமிதா பைஜு முக்கிய கதாபாத்திரத்தில் நடிக்கப் போவதாகவும் கடந்த வாரம் தகவல்கள் வந்தது.

இந்நிலையில் 'தி கோட்' படத்தின் வெளியீட்டிற்கு முன்பாகவே விஜய் 69 படத்தின் அதிகாரப்பூர்வ அறிவிப்பு வெளியாகுமா என விஜய் ரசிகர்கள் காத்திருக்கிறார்கள். ஆனாலும், படப்பிடிப்பை அக்டோபர் முதலே ஆரம்பித்துவிடலாம் என விஜய் திட்டமிட்டுள்ளதாகச் சொல்கிறார்கள். சீக்கிரம் படப்பிடிப்பை முடித்துவிட்டு 2026ல் நடைபெற உள்ள சட்டசபைத் தேர்தலை முன்னிட்டு அவரது அரசியல் பயணத்தில் இறங்க உள்ளதாகவும் திட்டமிட்டுள்ளாராம்.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  வரி ஏய்ப்பு : நாகார்ஜுனா, வெங்கடேஷ் குடும்ப ஸ்டுடியோக்களுக்கு நோட்டீஸ்
• 
  ஜனநாயகன் - தெலுங்கு வியாபாரம் முடிவு
• 
  தெலுங்கில் ரீரிலீசாகும் 'பையா' : மீண்டும் பார்க்க கார்த்தி ஆர்வம்
• 
  யு டியுப் சேனல்கள், சமூக வலைத்தளங்கள் இளையராஜா புகைப்படங்களை பயன்படுத்த ...
• 
  கஞ்சா வழக்கு : சிம்பு பட தயாரிப்பாளர் கைது