Dinamalar

'முட்டாள் நடிகர்கள்' - மன்னிப்பு கேட்ட பார்த்திபன்

நடிகரும், இயக்குனருமான பார்த்திபன் இயக்கத்தில் கடந்த வாரம் ‛டீன்ஸ்' படம் வெளிவந்தது. சிறுவர்கள், சிறுமியர் முதன்மைக் கதாபாத்திரங்களில் நடித்த ஒரு சயின்ஸ் பிக்ஷன் படம் அது.

'இந்தியன் 2' வெளியான அதே நாளிலேயே 'டீன்ஸ்' படத்தை வெளியிட்டது சில சர்ச்சைகளை ஏற்படுத்தியது. அதோடு ஒரு யு டியூப் சேனலில் பார்த்திபன் பேசிய வீடியோ ஒன்றிற்கு '13 வேஷமும் நானே போடுறேன்னு சில முட்டாள் நடிகர்கள் இருக்காங்க,” என்று தலைப்பு போடப்பட்டிருந்தது.

அந்த ஸ்கிரீன்ஷாட்டைப் பலரும் பகிர்ந்து சமூக வலைத்தளங்களில் சர்ச்சையை ஏற்படுத்தினார்கள். இதற்கு முன்பு 'நவராத்திரி' படத்தில் சிவாஜி கணேசன் 9 வேடங்களிலும், 'தசாவதாரம்' படத்தில் கமல்ஹாசன் பத்து வேடங்களிலும் நடித்திருந்தனர். அவர்களைத்தான் பார்த்திபன் அப்படிப் பேசியுள்ளாரோ என்ற சந்தேகத்தில் பல கருத்துக்கள் சமூக வலைத்தளங்களில் வந்தன.

அவற்றிற்கு பதிலளிக்கும் விதமாக பார்த்திபன், “நண்பர்களே! ஒரு கேள்விக்கு நான் அளிக்கும் பதிலை, பாதியாய் வெளியிடும் போது பாதிப்பு எனக்காகிறது. நான் எல்லா நட்சத்திரங்களையும், இயக்குனர்களையும் மதிப்புடன் உயர்ந்தேப் பார்ப்பவன். எனவே அப்பதிவுகள் யார் மனதைப் புண்படுத்தி இருந்தாலும் மன்னிக்க வேண்டுகிறேன்,” என்று எக்ஸ் தளத்தில் குறிப்பிட்டுள்ளார்.

• 
  அட்லி இயக்கும் விளம்பரத்தில் நடிக்கும் ரன்வீர் சிங், ஸ்ரீ லீலா
• 
  ‛பரியேறும் பெருமாள்' ஹிந்தி ரீ மேக்கான ‛தடக் 2' டிரைலர் வெளியீடு, ஆக., 1ல் ...
• 
  குரு பூர்ணிமாவில் அமிதாப் பச்சன் சிலையை வைத்து வழிபாடு
• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...
• 
  பூட்டிய வீட்டில் இறந்து கிடந்த பாக்., நடிகை; 9 மாதங்களுக்கு பிறகே ...

• 
  அல்லு அர்ஜுன் - அட்லி படத்தில் நெகட்டிவ் ரோலில் ராஷ்மிகா மந்தனா?
• 
  மீண்டும் காப்பி சர்ச்சையில் சிக்கிய அனிருத்!
• 
  வேள்பாரி நாவல்: ஷங்கருக்கு எதிராக வெளியான ட்ரோல்கள்!
• 
  விஜய் சேதுபதி படத்தில் வில்லி வேடத்தில் தபு!
• 
  ஐபிஎல் போட்டி நேரத்திற்கு இணையாக ‛பாகுபலி தி எபிக்' ரன்னிங் டைம்