விஜய்யின் தமிழக வெற்றிக் கழகத்தில் இணைந்து விட்டாரா விமல்? | சமந்தாவிடம் வருத்தம் தெரிவித்த டாக்டர்! | 'கேம் சேஞ்சர்' அப்டேட் கொடுத்த ஷங்கர் | காதலனை அறிமுகப்படுத்திய ஜெய்பீம் நடிகை ரஜிஷா | எஸ்.எஸ்.ராஜமவுலியின் வரலாற்று ஆவணப்படம்: நெட்பிளிக்சில் வெளியாகிறது | 'பவுண்ட் புட்டேஜ்' தொழில்நுட்பத்தில் உருவாகும் மஞ்சு வாரியர் படம் | விஜய் கட்சியில் சேரத் தயாராக இருக்கும் ராதாரவி | சந்தானத்தின் 'டிடி ரிட்டன்ஸ்' 2ம் பாகம்: ஆர்யா தயாரிக்கிறார் | விடாமுயற்சி - முதல் 'லுக்'கை சமாளிக்க இரண்டு இரண்டாவது 'லுக்' ரிலீஸ் | ஒரு நடிகை உருவாகிறார்...!: மனம் தளராத மவுனிகா |
ஷங்கர் இயக்கத்தில் கமல்ஹாசன் நடித்த 'இந்தியன்' படம் 28 ஆண்டுகளுக்கு முன்பாக வெளியாகி பெரும் வெற்றி பெற்றது. தற்போது இதன் இரண்டாம் பாகம் தயாராகி உள்ளது. இதனை ஷங்கர் இயக்கி உள்ளார், லைகா நிறுவனமும், ரெட் ஜெயண்ட் நிறுவனமும் இணைந்து தயாரித்துள்ளது. இதில் கமலுடன் சித்தார்த், ரகுல் ப்ரீத் சிங், பிரியா பவானி சங்கர், சமுத்திரக்கனி, பாபி சிம்ஹா, டெல்லி கணேஷ், வெண்ணிலா கிஷோர், விவேக், மனோபாலா உள்பட பலர் நடித்திருக்கின்றனர். படத்திற்கு அனிருத் இசை அமைத்துள்ளார்.
வருகிற 12ம் தேதி உலகம் முழுவதும் வெளியாக உள்ளது. இதை யொட்டி படத்தின் புரமோசன் பணிகள் தீவிரமாக நடை பெற்று வருகின்றன. கமல்ஹாசன் உள்ளிட்ட பட குழுவினர், மும்பை, ஐதராபாத், மலேசியா உள்ளிட்ட பல இடங்களுக்கு பயணம் செய்து படத்தை புரமோட் செய்து வருகிறார்கள்.
இதன் ஒரு பகுதியாக துபாயில் ஸ்கை டைவிங் மூலம் இந்த படத்தினை படக்குழு புரோமோசன் செய்துள்ளது. ஸ்கை டைவிங் வீரர் ஒருவர் சுமார் 5 ஆயிரம் அடி உயரத்தில் விமானத்தில் இருந்து குதித்து இந்தியன் 2 பேனர் இருந்த கொடியை பிடித்திருக்க அதனை இன்னொரு வீரர் வீடியோ எடுத்துள்ளார். இந்த வீடியோ சமூக வலை தளத்தில் வைரலாகி வருகிறது.