Dinamalar

வெளிநாடு, பரபர ஆக்ஷன், யுவன் இசை, விஜய் மாஸ் - 'தி கோட்' பர்த்டே ஷாட்ஸ்

வெங்கட்பிரபு இயக்கத்தில், யுவன்ஷங்கர் ராஜா இசையமைப்பில், விஜய், மீனாட்சி சவுத்ரி, பிரசாந்த், பிரபுதேவா, சினேகா, லைலா, மோகன் மற்றும் பலர் நடிக்கும் படம் 'தி கோட்'.

விஜய்யின் பிறந்தநாளை முன்னிட்டு நள்ளிரவு 12.01 மணிக்கு 'பர்த்டே ஷாட்ஸ்' என படத்தின் வீடியோ ஒன்றை வெளியிட்டார்கள். 50 வினாடிகள் மட்டுமே ஓடும் ஒரு குட்டி டீசர் அது. வெளிநாட்டு லொக்கேஷன், சித்தார்த்தா நுனியின் அசத்தலான ஒளிப்பதிவு, திலீப் சுப்பராயன் மாஸ்டரின் அதிரடியான ஆக்ஷ்ன், யுவனின் சிறப்பானி பின்னணி இசை, வெங்கட் ராஜன் செய்த பாஸ்ட் கட்டிங் என பரபரக்கிறது டீசர்.

முதல் வினாடியிலிருந்து பைக்கில் சிலர் செல்வதை மட்டும் காட்டி, 29வது வினாடியில் பைக்கில் இரண்டு விஜய்களில் ஒருவர் பைக்கை ஓட்ட மற்றவர் இடது கையால் சிலரைச் சுடும் காட்சியுடன் படத்தின் டைட்டில் இடம் பெறுகிறது. விஜய் சிங்கிளாக வந்தாலே மாஸ் ஆக இருக்கும் டபுள் விஜய் என்றால் டபுள் மாஸ் என இந்த வீடியோவை பிறந்தநாள் பரிசாக விஜய் ரசிகர்கள் கொண்டாடுகிறார்கள்.

முதல் சிங்கிளான 'விசில் போடு' பாடல் வந்தபின் படம் பற்றி வேறுவிதமான ஒரு அபிப்ராயம் ரசிகர்கள் மத்தியில் எழுந்தது. ஆனால், தற்போது இந்த டீசர் வந்த பின் படம் வேற லெவலில் இருக்கும் என ரசிகர்கள் பேச ஆரம்பித்துவிட்டார்கள். இது படத்திற்குப் பேருதவியாக இருக்கும்.

இன்று மாலை படத்தின் இரண்டாவது சிங்கிளான “சின்னச் சின்ன கண்கள்..' பாடல் வெளியாக உள்ளது.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  டிச., 27ல் மலேசியாவில் ‛ஜனநாயகன்' இசை வெளியீடு
• 
  டிசம்பர் 12ல் ரஜினி பிறந்தநாளில் ரீ ரிலீஸ் ஆகும் அண்ணாமலை
• 
  ராஜமவுலிக்கு ஆதரவாக குரல் கொடுத்த ராம் கோபால் வர்மா
• 
  பிரபல எழுத்தாளர் உடன் கைகோர்க்கும் சந்தானம்
• 
  அஞ்சான் படத்தின் நீளத்தை குறைத்த லிங்குசாமி