சிங்கிளாக இருந்து மிங்கிள் ஆன பிரேம்ஜி

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

சிங்கிளாக இருந்து மிங்கிள் ஆன பிரேம்ஜி

09 ஜூன், 2024 - 02:59 IST

எழுத்தின் அளவு:

நடிகரும், இசையமைப்பாளருமான பிரேம்ஜி பல ஆண்டுகளாக திருமணம் செய்து கொள்ளாமல் இருந்து வந்தார். 45 வயதான பிரேம்ஜிக்கு எப்போது கல்யாணம் என்ற கேள்விக்கு விடைத்தெரியாமல் இருந்தது. இந்த நிலையில் பிரேம்ஜிக்கு சேலத்தை சேர்ந்த இந்து என்ற பெண்ணுடன் திருமணம் நடக்க இருப்பதாக திருமண பத்திரிக்கை ஒன்று சமீபத்தில் சமூக வலைதளத்தில் வெளியானது.

இதனையடுத்து ஒருவழியாக பிரேம்ஜிக்கு திருமணம் முடிவானதை ரசிகர்களும் வரவேற்றனர். பிரேம்ஜியின் சகோதரரும் இயக்குனருமான வெங்கட்பிரபு அதனை உறுதிப்படுத்தினார். இவர்களுக்கு நேற்றிரவு நிச்சயதார்த்தம் முடிந்து, இன்று (ஜூன் 9) திருத்தணி முருகன் கோவிலில் தனி மண்டபத்தில் திருமணம் நடைபெற்றது. வெங்கட்பிரபு தாலி எடுத்துக்கொடுக்க பிரேம்ஜி, மணப்பெண் இந்துவுக்கு தாலி கட்டினார். மகிழ்ச்சியில் மணப்பெண் இந்துவின் கன்னத்தில் முத்தம் கொடுத்தார் பிரேம்ஜி. இந்த வீடியோ வைரலானது.

திருமண நிகழ்வில் நெருங்கிய உறவினர்கள், நண்பர்கள் மட்டுமே கலந்து கொண்டனர். நடிகர் ஜெய், வைபவ், பாடகர் கிருஷ், அவரது மனைவியும் நடிகையுமான சங்கீதா போன்றவர் கலந்துக் கொண்டனர். கங்கை அமரனின் அண்ணன் இளையராஜா, அவரது மகன் யுவன் சங்கர் ராஜா உள்ளிட்டோர் கலந்து கொள்ளவில்லை. இம்மாதம் இறுதியில் சென்னை தாஜ் ஓட்டலில் வரவேற்பு நடைபெற உள்ளது. இந்த ஜோடிக்கு திரையுலகினர் பலர் தங்களது வாழ்த்துகளை தெரிவித்து வருகின்றனர்.

Premji

Marriage

பிரேம்ஜி

திருமணம்

கருத்துகள் (0) கருத்தைப் பதிவு செய்ய

'காஞ்சனா 4' விரைவில் அறிவிப்பு - ...

பிரபாஸின் ‛கல்கி 2898 ஏ.டி' படத்தின் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய