Dinamalar

பிளாஷ்பேக் : ஹீரோவை எருமையாக்கிய விட்டலாச்சார்யா

கன்னடத்தில் அறிமுகமாகி பின்னர் தெலுங்கு, தமிழ் மொழிகளிலும் படம் இயக்கியவர் பி.விட்டலாச்சார்யா. சொந்த திரைப்பட நிறுவனத்தை நிறுவி, 1953ல் 'இராச்சிய லெட்சுமி' எனும் கன்னடத் படத்தை தயாரித்து, இயக்கி சினிமாவில் அறிமுகமானார். என்.டி.ராமராவை கதாநாயகனாகக் கொண்டு 19 தெலுங்கு படங்களை இயக்கியுள்ளார். இவரது தெலுங்கு மற்றும் கன்னட படங்கள் தமிழ் மொழியில், மொழி மாற்றம் செய்து வெளியிடப்பட்டுள்ளது. அவைகள் இங்கு பெரும் வெற்றி பெற்றது.

ஆரம்பத்தில் குடும்ப பாங்கான சமூக படங்களை இயக்கி வந்த விட்டலாச்சார்யா அதன்பிறகு மாயாஜால படங்களுக்கு மாறினார். ஜெகன்மோகினி, காந்தர்வ கன்னி உள்பட அவர் இயக்கிய மாயாஜால படங்கள் அனைத்தும் கன்னடத்தில் தயாராகி பின்னர் மற்ற மொழிகளில் டப் செய்யப்பட்டது. சினிமாவில் தொழில்நுட்பங்கள் வளராத காலத்திலேயே ஒளிப்பதிவாளரையும், கலை இயக்குனரையும் வைத்துக் கொண்டு சினிமாவில் மாயாஜாலம் காட்டினார்.

30 படங்களை இயக்கிய விட்டலாச்சார்யா எந்த ஹீரோக்களையும் தேடிச் சென்றதில்லை. அவர் படத்தில் நடிக்க ஹீரோக்கள் காத்திருந்தார்கள். ஒரு முறை தன்னிடம் வாய்ப்பு கேட்ட ஒரு பெரிய ஹீரோவை வைத்து மாயாஜால படம் ஒன்றை இயக்கினார். வலிந்து வாய்ப்பு கேட்ட அந்த ஹீரோ இது மாயாஜால படம்தானே என்று அலட்சியமாக கருதி தினமும் படப்பிடிப்புக்கு தாமதமாக வந்தார். உடனே அவரை படத்திலிருந்து அதிரடியாக நீக்கினார் விட்டலாச்சார்யா.

பாதி படம் முடிந்திருந்த நிலையில் தன்னை தவிர்த்து விட்டு அவரால் படம் இயக்க முடியாது. அப்படி இயக்கினால் தான் நடித்த போர்ஷன்களை திரும்ப படமாக்க வேண்டியது வரும் அது பெரிய நஷ்டத்தை கொடுக்கும் என்ற அந்த ஹீரோ நம்பினார்.

ஆனால் தொடர்ந்து விட்டலாச்சர்யா படப்பிடிப்பை அந்த ஹீரோ இல்லாமலேயே வேகமாக நடத்தினார். இதை கேள்விப்பட்டு அதிர்ச்சி அடைந்த ஹீரோ எப்படி இது சாத்தியம் என்று விசாரித்த போதுதான். அந்த படத்தில் இளவரசாக நடித்த ஹீரோ ஒரு முனிவரின் சாபத்தால் எருமை மாடாக மாறிவிட்டதாக கதையை மாற்றி மீதி கதையை எருமை மாட்டை கொண்டு எடுத்துக் கொண்டிருப்பதாக ஹீரோவுக்கு தகவல் கிடைத்தது. தவறை உணர்ந்த ஹீரோ ஓடிச் சென்று விட்டலாச்சாயரிடம் மன்னிப்பு கேட்டு பிறகு ஓழுங்காக நடித்துக் கொடுத்தார். இன்று அவரது 25வது நினைவு நாள்.

• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...
• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்

• 
  ரீ-ரிலீஸில் சச்சின் படத்தின் முதல் நாள் வசூல் எவ்வளவு
• 
  ரயில் ஜன்னல் கம்பி வழியாக மாளவிகா மோகனனிடம் முத்தம் கேட்ட மர்ம நபர்
• 
  ரெட்ரோ படத்தின் டிரைலரை உருவாக்கிய அல்போன்ஸ் புத்ரன்
• 
  போதை பொருள் வழக்கு : நடிகர் சைன் டாம் சாக்கோ கைது
• 
  ரெட்ரோ டிரைலர் : விதவிதமாய் 'குக்' செய்துள்ள கார்த்திக் சுப்பராஜ்