Dinamalar

எனக்கான பட வாய்ப்புகள் குறையவில்லை : சோனியா அகர்வால்

சோனியா அகர்வால் தற்போது சிறு பட்ஜெட் படங்களின் ஆஸ்தான நாயகி ஆகிவிட்டார். பேய் கதைகளில் நடிக்க அதிக வாய்ப்பு வருகிறது. இதற்கிடையில் இசை ஆல்பம் ஒன்றிலும் பேயாக நடித்திருக்கிறார்.

'பாரிஜாதம்' படத்தின் மூலம் இசை அமைப்பாளரான தரண் குமார் அதன்பிறகு லாடம், சித்து பிளஸ் 2, சமர், விரட்டு, தகராறு, நாய்கள் ஜாக்கிரதை, பிஸ்தா உள்ளிட்ட பல படங்களுக்கு இசை அமைத்துள்ளார். அவ்வப்போது ஆல்பங்களும் வெளியிட்டு வரும் இவர் தற்போது 'பேய் காதல்' என்ற இசை ஆல்பத்தை உருவாக்கி உள்ளார். இதில் அவர் சோனியாவுடன் நடித்திருக்கிறார். அழகான பேயாக இருக்கும் சோனியா அகர்வாலை அவர் காதலிப்பதுதான் பாடலின் கான்செப்ட். இதில் உலக புகழ்பெற்ற கான்ஜுரிங், நன், அனபெல்லா பேய்களுடன் சோனியா அகர்வால் நடித்துள்ளார்.

இதன் அறிமுக விழாவில் பேசிய சோனியா அகர்வால் “எனக்கு பட வாய்ப்புகள் குறையவில்லை. மலையாளத்தில் 'பிஹைண்ட்' படத்தில் நடித்துள்ளேன். தமிழில் இரண்டு படங்களிலும் நடிக்கிறேன். தெலுங்கிலும் இரண்டு படங்கள் கைவசம் உள்ளன. நான் நடித்த '7ஜி ரெயின்போ காலனி' படத்தை மீண்டும் ரிலீஸ் செய்தால் மகிழ்ச்சி அடைவேன். நல்ல கதையுடன் செல்வராகவன் இயக்கத்தில் நடிக்க வாய்ப்பு வந்தால் நடிப்பேன்” என்றார்.

• 
  மகளுக்கு பெயர் சூட்டிய கியாரா அத்வானி - சித்தார்த் மல்கோத்ரா தம்பதி!
• 
  ஹிந்தியில் வரவேற்பைப் பெறும் 'தேரே இஷ்க் மெய்ன்'
• 
  பாலிவுட் நடிகருக்கு ஜோடியாகும் மீனாட்சி சவுத்ரி
• 
  நிரப்ப முடியாத வெற்றிடம் : கணவர் தர்மேந்திரா மறைவு குறித்து ஹேமமாலினி ...
• 
  கணவர் மீது புகார் அளித்துள்ள செலினா ஜெட்லி

• 
  'பராசக்தி' படத்தின் டப்பிங்கை தொடங்கிய சிவகார்த்திகேயன்!
• 
  'தேரே இஷ்க் மே, ரிவால்வர் ரீட்டா' படங்களின் முதல் நாள் வசூல் எவ்வளவு?
• 
  'ரூட்' படத்தின் டப்பிங் முடித்த கவுதம் ராம் கார்த்திக்!
• 
  'ஜீனி' படத்தின் புதிய அப்டேட் இதோ!
• 
  பைசன் படத்தை பாராட்டிய பிரபல இந்திய கிரிக்கெட் வீரர்!