Dinamalar

அதிரடி பாய்ச்சலில் புதிய சாதனை படைத்த புஷ்பா 2 டீசர்

அல்லு அர்ஜுன் நடிப்பில் சுகுமார் இயக்கத்தில் கடந்த இரண்டு வருடங்களுக்கு முன்பு புஷ்பா திரைப்படத்தின் முதல் பாகம் வெளியாகி மிகப்பெரிய வெற்றியை பெற்றது. அல்லு அர்ஜுனுக்கு ஒரு பான் இந்திய வெற்றியாக இந்த படம் அமைந்தது. சில வெளிநாட்டு அதிபர்கள், கிரிக்கெட் வீரர்கள் உள்ளிட்ட பலரும் இந்த படத்தில் அல்லு அர்ஜுன் கதாபாத்திரத்தை ரசித்து அவரது மேனரிசத்தை தாங்களும் ரசித்து செய்த வீடியோ வெளியிட்டனர். இதை தொடர்ந்து தற்போது புஷ்பா படத்தின் இரண்டாம் பாகம் வரும் ஆக-15ல் வெளியாக இருக்கிறது. முதல் பாகத்தில் இருந்த பல சிறப்பு அம்சங்கள் இந்த இரண்டாம் பாகத்திற்கான எதிர்பார்ப்பை பல மடங்கு அதிகப்படுத்தியுள்ளன.

சில தினங்களுக்கு முன் அல்லு அர்ஜுனின் பிறந்தநாளை முன்னிட்டு இந்த படத்தின் டீசர் வெளியிடப்பட்டது. வெளியான 12 மணி நேரத்திலேயே 51 மில்லியன் பார்வைகளை கடந்து புதிய சாதனை படைத்தது. தொடர்ந்து 48 மணி நேரத்திற்குள் 88 மில்லியன் பார்வையாளர்கள் என்கிற மிகப்பெரிய சாதனையை படைத்துள்ளது. அது மட்டுமல்ல இந்த டீசருக்கு 1.4 மில்லியன் லைக்குகள் கிடைத்திருப்பதும் புதிய சாதனைதான்.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  ஜூன் 13ல், 500 தியேட்டர்களில் படை தலைவன் ரிலீஸ்
• 
  டூரிஸ்ட் பேமிலி : கன்னட நடிகர் சுதீப் பாராட்டு
• 
  ஜனநாயகன் படத்தின் தமிழக தியேட்டர் உரிமையில் கடும் போட்டி
• 
  அர்ஜுன் தாஸின் நீண்ட நாள் கனவு நனவாகியது
• 
  ஹாலிவுட் யுனிவர்ஸ் பாணியில் உருவாகும் பென்ஸ் : இயக்குனர் பாக்யராஜ் ...