Dinamalar

எஸ்கே 21 பட தலைப்பு ‛அமரன்' : மேஜர் முகுந்த் வரதராஜனாக சிவகார்த்திகேயன்

ராஜ்குமார் பெரியசாமி இயக்கத்தில் சிவகார்த்திகேயன், சாய் பல்லவி நடிப்பில் ஒரு படம் தயாராகிறது. சிவகார்த்திகேயனின் 21வது படமாக உருவாகும் இதை கமல் தயாரிக்கிறார். நாளை(பிப்., 17) சிவகார்த்திகேயனின் பிறந்தநாளை முன்னிட்டு இந்த படத்தின் தலைப்பு இன்று வெளியாகும் என அறிவித்து இருந்தனர்.

அதன்படி படத்திற்கு ‛அமரன்' என பெயரிட்டு பர்ஸ்ட் லுக் போஸ்டர் மற்றும் டீசரை இன்று(பிப்., 16) மாலை வெளியிட்டனர். தமிழகத்தை சேர்ந்த வீர மரணம் அடைந்த ராணுவ மேஜர் முகுந்த் வரதராஜனின் வாழ்க்கையை தழுவி இந்த படம் எடுக்கப்பட்டுள்ளது. இதில் ராணுவ வீரர் முகுந்த்தாக சிவகார்த்திகேயன் நடித்துள்ளார்.

முழுக்க முழுக்க காஷ்மீர் பின்னணியில் நடக்கும் பயங்கரவாத தாக்குதல்... அதை இந்திய ராணுவம் எதிர்கொள்ளும் விதம்... சிவகார்த்திகேயனின் ராணுவ கம்பீரம்... என டீசர் விவரிக்கிறது. இந்த டீசருக்கு ரசிகர்கள் மத்தியில் வரவேற்பு கிடைத்து வருகிறது.

படத்தின் டீசரை வெளியிட்டு கமல் வெளியிட்ட பதிவில், ‛‛பிறந்தநாள் காணும் அன்புத் தம்பி சிவகார்த்திகேயன் நீடூழி வாழ வாழ்த்துகிறேன். #Amaran
(அமரன்) திரைப்படத்தின் டைட்டில் டீஸரை வெளியிடுவதில் மகிழ்கிறேன்'' என குறிப்பிட்டுள்ளார்.

1992ல் கே.ராஜேஷ்வர் இயக்கத்தில் கார்த்திக், பானுப்பிரியா நடிப்பில் இதே தலைப்பில் ஒரு படம் வெளியானது இங்கே குறிப்பிடத்தக்கது.

• 
  நெப்போட்டிசம் பற்றி கிர்த்தி சனோன் பளீச்
• 
  சிங்கத்திற்கு குரல் கொடுக்கும் ஷாருக்கான்
• 
  ஹிந்தியில் ரீ-மேக் ஆகும் தெலுங்கு ‛பேபி'
• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்

• 
  மத்திய அமைச்சர் ராஜ்நாத் சிங்கை சந்தித்து வாழ்த்து பெற்ற அமரன் ...
• 
  எனக்கு கடவுள் நம்பிக்கை அதிகம் - ராஷி கண்ணா
• 
  சூர்யா 45 படத்தில் ‛லப்பர் பந்து' நடிகை
• 
  சிவராஜ் குமாருக்கு பதிலாக விஷால்
• 
  விஜய் மகன் இயக்கும் படத்தில் சந்தீப் கிஷன் : அதிகாரப்பூர்வ அறிவிப்பு