கதாநாயகனாக அறிமுகமாகும் இயக்குனர் ஷாஜி கைலாஷின் மகன்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

03 பிப், 2024 - 02:09 IST

எழுத்தின் அளவு:

மலையாளத்தில் கடந்த 35 ஆண்டுகளுக்கு மேலாக பிரபல இயக்குனராக இயங்கி வருபவர் ஷாஜி கைலாஷ். தமிழில் வாஞ்சிநாதன், ஜனா, எல்லாம் அவன் செயல், வைகை எக்ஸ்பிரஸ் உள்ளிட்ட சில படங்களை இவர் இயக்கியுள்ளார். இடையில் இவரது பயணத்தில் சிறிய தேக்கம் ஏற்பட்டாலும் மீண்டும் பிரித்விராஜ், மோகன்லால் ஆகியோரின் படங்களை இயக்கியதன் மூலம் விட்ட இடத்தை பிடித்துள்ளார்.

இந்த நிலையில் இவரது மகன் ருஷின் மலையாள சினிமாவில் நடிகராக தன் பயணத்தை துவங்கி, 'கேங்க்ஸ் ஆப் சுகுமார குரூப்' என்கிற படத்தில் கதாநாயகனாக நடிக்கிறார். இந்த படத்தை செபி சவுக்கத் என்பவர் இயக்குகிறார். இன்சூரன்ஸ் பணத்தை பெறுவதற்காக வேறு ஒரு நபரை கொன்று நாடகமாடி தலைமறைவான முன்னாள் கிரிமினல் சுகுமார குரூப் என்பவனின் வாழ்க்கை சம்பவங்களை பற்றிய படமாக இது உருவாகிறது. ஏற்கனவே துல்கர் சல்மானின் நடிப்பில் வெளியான குரூப் படத்தின் கதையும் இதுதான் என்பதை குறிப்பிடத்தக்கது.

தந்தையின் வழியை பின்பற்றி இயக்குனர் பாதையில் செல்லாமல் நடிப்பு பாதையை இவர் தேர்ந்தெடுத்ததற்கு, இவரது அம்மா ஆனி ஒரு முன்னாள் நடிகை என்பதும் ஒரு காரணம் என்று சொல்லலாம்.

Shajikailas

Rushin

கருத்துகள் (0) கருத்தைப் பதிவு செய்ய

10 ஆண்டுகளுக்கு பிறகு தமிழில் ...

வரலாற்று படத்தில் சிவராஜ் குமார்

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய