Dinamalar

'ஓபன்' ஆக வாய்ப்பு கேட்ட விஜய் பட இசையமைப்பாளர் மணிசர்மா

மணிசர்மா… இந்தப் பெயர் இன்றைய தமிழ் சினிமா ரசிகர்களுக்குத் தெரிந்திருக்குமா என்பது ஆச்சரியம்தான். ஆனால், விஜய் நடித்து வெளிவந்த சூப்பர் ஹிட் பாடல்கள் அமைந்த படங்களான 'ஷாஜகான், யூத், போக்கிரி,' ஆகிய படங்களின் இசையமைப்பாளர் என்று சொன்னால் தெரிந்து கொள்வார்கள். அந்தப் படங்களின் பாடல்கள் அப்போது பெரும் வரவேற்பை பெற்றவை. இப்போதும் அந்தப் பாடல்கள் பலரது பிளே லிஸ்ட்டில் இருக்கும்.

அந்தப் படங்கள் மட்டுமல்லாது தமிழில் 30க்கும் மேற்பட்ட படங்களுக்கு இசையமைத்திருக்கிறார். தெலுங்கில் மகேஷ்பாபு, பவன் கல்யாண் ஆகியோரின் சில பல சூப்பர் ஹிட் படங்களுக்கு இசையமைத்திருக்கிறார். குறிப்பாக மகேஷ் பாபு நடித்த சூப்பர் ஹிட் படமான 'ஒக்கடு', பவன் கல்யாண் நடித்த சூப்பர் ஹிட் படமான 'குஷி' படங்களை உதாரணமாகச் சொல்லலாம்.

2021ல் சுமார் 10 தெலுங்குப் படங்களுக்கு இசையமைத்த மணிசர்மாவுக்கு கடந்த மூன்று வருடங்களாக அதிக வாய்ப்புகள் வரவில்லை. தற்போது இரண்டு தெலுங்கு படங்களுக்கு மட்டுமே இசையமைத்து வருகிறார். சமீபத்திய பேட்டி ஒன்றில் தனக்கும் இசையமைக்க வாய்ப்பு தருமாறு ஓபன் ஆகப் பேசியுள்ளார்.

“மகேஷ் பாபு, பவன் கல்யாண் என அனைவரின் படங்களில் வாய்ப்பு கொடுத்தால் சிறப்பாக இருக்கும். அவர்களின் ஒவ்வொரு படத்திலும் நான் இசையமைக்க வேண்டும் என்று கேட்கவில்லை. ஒரு படத்திற்கு தேவி ஸ்ரீ பிரசாத்திற்கு வாய்ப்பு கொடுத்து, இன்னொரு படத்திற்கு தமனுக்கு வாய்ப்பு கொடுத்து, அதற்கடுத்த படத்திற்கு எனக்கு வாய்ப்பு தரலாம். அல்லது அவர்களுக்கு இரண்டு படங்களுக்கு வாய்ப்பு கொடுத்து எனக்கும் ஒரு வாய்ப்பு தரலாம். இப்படி பிரித்துக் கொடுத்தால் வழக்கமான உணர்வு இல்லாமல் மாறுபட்ட உணர்வு ரசிகர்களுக்குக் கிடைக்கும்,” என்று தெரிவித்துள்ளார்.

பல முக்கிய தெலுங்கு படங்களுக்கு இசையமைத்த மணி சர்மா இப்படி பேசியிருப்பது அதிர்ச்சியைக் கொடுத்தாலும் அதுதான் உண்மையும் கூட. மணிசர்மாவை தனது குரு என்று சொல்பவர் இசையமைப்பாளர் தமன். அவருடன் எட்டு வருடங்கள் பணியாற்றியவர்.

மணிசர்மாவின் பேட்டிக்கு மகேஷ் பாபு, பவன் கல்யாண் என்ன பதிலளிக்கப் போகிறார்கள் என்பதை தெலுங்குத் திரையுலக ரசிகர்கள் ஆவலுடன் பார்த்துக் கொண்டிருக்கிறார்கள்.

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  துல்கர் சல்மானுக்கு ஜோடியாக நடிக்க 3 கோடி சம்பளம் வாங்கிய பூஜா ஹெக்டே!
• 
  புகழ்ச்சியை தலையில் ஏற்றிக் கொள்ள மாட்டேன்! : கல்யாணி பிரியதர்ஷன்
• 
  விஜய்யின் தந்தை இயக்குனர் எஸ்.ஏ.சி.,யை டென்ஷன் ஆக்கிய கேள்வி!
• 
  சிம்புவின் ‛அரசன்' படத்தில் இடம் பெறும் மூன்று முன்னணி நடிகைகள்!
• 
  நாகார்ஜுனாவின் 100வது படத்தில் இணையும் நாகசைதன்யா - அகில்