Dinamalar

முன்னாள் முதல்வர் நூற்றாண்டு விழா: ஏற்பாடுகள் தீவிரம்

எந்த கட்சி புதிதாக ஆட்சிக்கு வந்தாலும் அந்த கட்சியை குளிரவைக்கும் முகமாக பாராட்டு விழா நடத்துவது தமிழ் திரையுலகின் வழக்கம். அந்த வகையில் ஏற்கெனவே முன்னாள் முதல்வர் கருணாநிதிக்கு 'பாசத் தலைவருக்கு பாராட்டு விழா' என்ற பெயரில் பிரமாண்ட விழா நடத்தினார்கள். ஜெயலலிதாவுக்கும் பிரமாண்ட விழா நடத்தினார்கள். அந்த வகையில் தற்போது முன்னாள் முதல்வரும், இந்தாள் முதல்வரின் தந்தையுமான கருணாநிதியின் நூற்றாண்டு விழாவை பிரமாண்டமாக நடத்துகிறார்கள்.

இந்த விழாவை தமிழ் திரைப்படத் தயாரிப்பாளர் சங்கம் முன்னின்று நடத்துகிறது. பெப்சி அமைப்பில் உள்ள 24 சங்கங்களும் தங்களது பங்களிப்பை செய்கிறது. இதற்கான ஏற்பாடுகள் மற்றும் நிகழ்ச்சி தயாரிப்பு பணிகள் மும்முரமாக நடந்து வருகிறது. விழா நேரு உள் விளையாட்டு அரங்கில் நடக்கிறது. இதற்கான ஆலோசனை கூட்டங்கள் தயாரிப்பாளர் சங்கத்தில் அடிக்கடி நடந்து வருகிறது.

இந்த நிலையில் நேற்று விழா குழுவினர் கமல்ஹாசனை சந்தித்து பேசினர். முறைப்படியான அழைப்பும் விடுத்தனர். இந்த சந்திப்பில் தயாரிப்பாளர் சங்கத் தலைவர் முரளி ராமசாமி, நடிகர் சங்கத் தலைவர் நாசர், துணை தலைவர் பூச்சி முருகன், பெப்சி தலைவர் ஆர்.கே.செல்வமணி உள்ளிட்டவர்கள் கலந்து கொண்டனர்.

• இவரை பற்றி
• செய்திகள்
• ஆல்பம்